web counter
LEXO PA REKLAMA!

SHKARKO APP

App Store
Google Play

Aulon Kalaja: President më të dobët se Bajram Begaj nuk kemi pasur kurrë

16 Gusht 2023, 17:38, Aktualitet CNA
Aulon Kalaja: President më të dobët se Bajram Begaj nuk kemi
Bajram Begaj

Gazetari dhe aktivisti, Aulon Kalaja  thotë se president më të dobët se Bajram Begaj nuk kemi pasur askurrë.

Në një postim në rrjetet sociale Kalaja ka renditur disa fakte që sipas tij e tregojnë që Begaj dhe pse mbushi 1 vit në detyrën si President nuk i ka kthyer asnjë ligj qeverisë e nuk e di nëse ka nxjerrë ndonjë dekret gjatë “punës” së tij.

Sipas Kalasë Begaj nuk është një President, por një noter i punëve të Edi Ramës, Kryeministër.

 

“Presidenti i Republikës së Shqipërisë, zoti Bajram Begaj, mbushi 1 vit në këtë detyrë.

-Është Presidenti që nuk i ka kthyer asnjë ligj qeverisë, përveç një ligji për dekoratat.

-Është Presidenti që nuk e di nëse ka nxjerrë ndonjë dekret gjatë “punës” së tij.

-Është Presidenti që ka 1-vit në detyrë dhe faqja zyrtare e institucionit që ai drejton (President.al) ka defiçenca të mëdha. Tek seksioni “kabineti”, nuk del asnjë emër këshilltari. Trasparenca 0. Minimalisht të rrëgullojë faqen e internetit. Se taksat tona i marin, apo jo?!

-Është Presidenti që ka bërë turizëm nëpër shtete të ndryshme duke takuar homologët, por punë pa bereqet, në dobi të Shqipërisë.

-Është Presidenti që nuk ka asnjë mendim për legalizimin e kanabisit në vendin tonë dhe zgjodhi t’a kalojë në heshtje, ligjin që Kuvendi miratoi në korrikun që lamë pas.

-Është Presidenti që priti një përfaqësi të studentëve të mjeksisë, që protestuan kundër ligjit që iu mban peng diplomat, por që zgjodhi që të mos e kthejë mbrapsht këtë ligj. Pra e miratoi me heshtje.

Konkluzioni im është, që President më të dobët nuk kemi pasur askurrë.

Ky nuk është një President, por një noter i punëve të Edi Ramës Kryeministër!”, shkruan Kalaja.





Lajmet e fundit nga