LEXO PA REKLAMA!

SHKARKO APP

Tentoi t'i merrte me dhunë varësen e floririt një gruaje/ Vihet në pranga i riu në Elbasan

16 Gusht 2023, 13:13, Aktualitet CNA

Tentoi t'i merrte me dhunë varësen e floririt një gruaje/

Një 26-vjeçar është vënë në prangat e policisë pasi tentoi t'i merrte me dhunë varësen e floririt, një 28-vjeçareje që po vizitonte kishën në lagjen “Kala” të qytetit të Elbasanit.

I arrestuari, falë operacionit të koduar “Monumenti”, është 26-vjeçari me inicialet P. B., banues në Elbasan.

Ai rezulton i dënuar më parë për vjedhje dhe për krime kundër personit. 

Ky shtetas ka ndjekur për disa minuta një 28-vjeçare që po vizitonte kishën në lagjen “Kala” të qytetit të Elbasanit dhe më pas ka tentuar t’i marrë me dhunë varësen e floririt që ajo mbante në qafë, për pasojë i ka shkaktuar dëmtime fizike.  

Varësja e floririt u sekuestrua në cilësinë e provës materiale. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme./ CNA

Lajmet e fundit nga