web counter
LEXO PA REKLAMA!

SHKARKO APP

App Store
Google Play

Charles McGonigal, pendesë dhe rrëfime për akuzat/ Hetim kriminal për Agron Nezën?

15 Gusht 2023, 21:50, Aktualitet CNA

Charles McGonigal, pendesë dhe rrëfime për akuzat/ Hetim kriminal

Ish-zyrtari i FBI-së, Charles McGonigal ka pranuar këtë të martë fajësinë për njërën prej akuzave të ngritura ndaj tij.

McGonigal ka rrëfyer në gjykatë se ka bashkëpunuar me oligarkun rus, Oleg Deripaska, i njohur si mik i presidentit Vladimir Putin.

Ai ka deklaruar se Deripaskës i ka siguruar informacion intimidues për oligarkun rus Vladimir Potanin, të cilin e kishte konkurent në biznes.

Charles McGonigal shfaqi pendesë në gjykatë, ndërsa pritet që të njejtën gjë të bëjë edhe për akuzat e ngritura ndaj tij në lidhje me biznesmenin shqiptaro-amerikan Agron Neza.

Ashtu si në rastin e oligarkut rus, ish-zyrtari i FBI-së mund të pendohet edhe në rastin e hetimit për paratë e marra nga Neza dhe të rrëfehet.

Nëse ndodh kjo, prokurori federal në Washington do të nisë hetim kriminal për Agron Nezën.

Kujtojmë se Agron Neza përmendet si personi A në aktakuzën e ngritur për ish-shefin e kundërzbulimit në FBI. Në aktakuzë thuhet se Neza i ka paguar McGonigal 225.000 dollarë për influencë tek autoritetet shqiptare me përfitime në biznes, para që McGonigal nuk i ka deklarurar.

Gjithashtu, thuhet “se në shtator të 2017-ës, në Shqipëri, i pandehuri McGonigal u prezantua nga personi A, pra Agron Neza, me një politikan i cili ishte njëherazi edhe biznesmen, i cili i tha të pandehurit McGonigal se donte dikë për të hetuar një atentat të dyshuar për ta vrarë atë”.

Gjithashtu përmendet se ai i ka kërkuar ish-zyrtarit të FBI-së të hapë një hetim në SHBA për një shtetas amerikan që ka lobuar “për një parti politike shqiptare, e ndryshme nga ajo në të cilën është anëtar kryeministri”.

Sipas dokumenteve zyrtare të QKB-së, McGonigal rezulton të jetë bërë bashkëaksioner në 2019-ën me Agron Nezën në një studio ligjore.

Për këto akuza dhe të tjera, pritet që McGonigal të shfaqë pendesë dhe të rrëfehet, ashtu siç tregoi gjithçka edhe për Oleg Deripaskën./ CNA





Lajmet e fundit nga