web counter
LEXO PA REKLAMA!

SHKARKO APP

App Store
Google Play

E fundit!

x

Rikthehen skandalet e Sulejmanit të detit/ Policia kufitare mashtroi publikisht

15 Gusht 2023, 20:14, Aktualitet CNA
Rikthehen skandalet e Sulejmanit të detit/ Policia kufitare mashtroi
Drejtori i Kufirit të Vlorës, Eduard Sulejmani

CNA ka denoncuar prej disa ditësh bëmat e Drejtorit të Kufirit të Vlorës, Eduard Sulejmanit, i cili sulmon bizneset dhe njerëzit e pajisur me dokumente për të marrë haraçin. 

Mbrëmjen e sotme është zbuluar një tjetër skandal. Bëhet fjalë për një mashtrim të policisë kufitare me plagosjen e dy të miturve.

Policia raportonte se dy shtetasit me iniciale D. K. dhe K. Xh., të moshave 17 dhe 16 vjeç, kanë zbritur nga mjeti lundrues Jet Ski dhe kanë hipur në shkëmbinj, për t’u hedhur në det.       

Fillimisht, sipas njoftimit është hedhur i riu K. Xh., i cili ka marrë dëmtime të rënda në fytyrë dhe në kokë, për shkak se ka rënë afër shkëmbit. Për t’i ardhur në ndihmë, është hedhur edhe shoku i tij, i cili po ashtu është dëmtuar.

Ky ishte version zyrtar i policisë, por në fakt e vërteta duket se qëndron ndryshe. Gazetarja Klodiana Lala raporton se dy të miturit janë plagosur nga përplasja e dy mjeteve lundruese Jet Ski dhe jo prej hedhjes nga shkëmbinjtë.

Lala i referohet dëshmitarëve okularë, të cilët kanë zbuluar se si ka ndodhur ngjarja dhe për këtë po japin edhe dëshmitë e tyre për policinë.

Policia ka shoqëruar pronarin e Jet Skive me inicialet R. P. për këtë ngjarje të rëndë.

Ndërkohë, raportohet se njëri nga të miturit është dërguar me helikopter drejt Tiranës, pasi ndodhet në gjendje të rëndë shëndetësore.

Njoftimi i Policisë së Himarës në orën 17:00:

Policia e Himarës iu jep ndihmën e parë 2 pushuesve të cilët aksidentalisht ishin dëmtuar pasi ishin hedhur nga një shkëmb në det.

Në Llaman, shtetasit D. K. dhe K. Xh., janë afruar te disa shkëmbinj dhe pasi kanë zbritur nga mjeti lundrues Jet Ski, kanë hipur në shkëmbinj, për t’u hedhur në det.       

Shtetasi K. Xh., 16 vjeç, banues në Tiranë, kur është hedhur në det, ka pësuar dëmtime të rënda  në fytyrë dhe në kokë, për shkak se ka rënë afër shkëmbit. Në këtë moment është hedhur në det edhe shoku i tij, shtetasi D. K., 17 vjeç, banues në Tiranë, për ta ndihmuar, por nuk ka mundur dot sepse është dëmtuar edhe ai vetë.  

Shtetasi D. K. ndodhet jashtë rrezikut për jetën, ndërsa shtetasi K. Xh. po transportohet me helikopter në drejtim të Tiranës, për ndihmë mjekësore më të specializuar.  

Në vendngjarje ndodhen shërbimet e Policisë vendore dhe ato të Policisë Kufitare, si dhe grupi hetimor, me qëllim dokumentimin e plotë të rrethanave të ngjarjes.  

Ndërkohë, është shoqëruar në Komisariat dhe po merret në pyetje pronari i mjeteve lundruese, shtetasi R. P./ CNA





Lajmet e fundit nga