E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

KLSH publikon raportin: 13 milionë lekë dëm nga karburanti i punonjësve në Bashkinë Fier

15 Gusht 2023, 15:01, Aktualitet CNA

KLSH publikon raportin: 13 milionë lekë dëm nga karburanti i

Kontrolli i Lartë i shtetit ka publikuar raportin përfundimtar të auditimit në Bashkinë e Fierit.

Në raport thuhet se nga trajtimi me karburant i punonjësve në kundërshtim me dispozitat ligjore është shkaktuar një dëm për Buxhetin e Bashkisë Fier që kap vlerën prej 13,032,000 lekësh, raporton CNA.

Në total për vitet 2017-2021 për 120 punonjës janë tërhequr 81,450 litra karburant me 160 lekë çmimi mesatar sipas fletë-daljeve nga magazina.

Vlera 13,032,000 lekë është ndarë si më poshtë:

-Për periudhën 2017-30.06.2021, janë tërhequr 71,530 litra 160 lekë çmimi mesatar sipas fletë-daljeve nga magazina = 11,444,800 lekë.

-Për periudhën nga data 01.07.2021 deri më 31.12.2021, janë tërhequr 9,920 litra 160 lekë çmimi mesatar sipas fletë-daljeve nga magazina = 1,587,200 lekë.

Sipas viteve:

-Për vitin 2017 janë nënshkruar 15 kontrata dhe për këto kontrata është tërhequr sasia 8,680 litra karburant;

-Për vitin 2018 janë nënshkruar 26 kontrata dhe për këto kontrata është tërhequr 15,830 litra karburant;

-Për vitin 2019 janë nënshkruar 26 kontrata dhe për këto kontrata është tërhequr 17,850 litra karburant;

-Për vitin 2020 janë nëshkruar 26 kontrata dhe për këto kontrata është tërhequr 18,590 litra karburant

-Për vitin 2021 janë nënshkruar 27 kontrata dhe për këto kontrata është tërhequr 20,500 litra karburant.

KLSH ka rekomanduar që Kryetari i Bashkisë Fier të marrë të gjitha masat e duhura ligjore për arkëtimin e vlerës prej 13,032,000 lekë, nga 120 personat të cilët kanë shkaktuar këtë dëm ekonomik ndaj buxhetit të bashkisë.

Për këtë të ndiqen të gjitha procedurat e nevojshme administrative dhe procedurat e tjera në të gjitha shkallët e gjykimit, me qëllim kërkimin për shpërblimin e dëmit.

Për veprimet dhe mosveprimet e mësipërme ngarkohen me përgjegjësi: z. A. S. Kryetar i Bashkisë F. M. në cilësinë e autorizuesit të karburantit për vitet 2016-2020, A. H., z. M. G., z. K. S. për lidhjen e kontratave si dhe të gjithë personat të cilët kanë tërhequr karburant sipas kontratave të hua përdorimit të cilët janë evidentuar në aneksin nr. 4. pika 8 të Projekt Raportit të Auditimit./ CNA