web counter
LEXO PA REKLAMA!

SHKARKO APP

App Store
Google Play

E fundit!

x

Sonte fillon Festa e Birrës në Korçë / Merren masat nga policia, bllokohen disa rrugë

16 Gusht 2023, 11:49, Aktualitet CNA

Sonte fillon Festa e Birrës në Korçë / Merren masat nga

Sonte fillon nata e parë magjike e Festës së Birrës në Korçë që do të zhvillohet te Terminali i autobusëve.

Policia ka marrë një serë masash për garantimin e rendit dhe sigurisë publike, në kuadër të kësaj feste për zhvillimin dhe manifestimin sa më të qetë dhe festiv të këtij aktiviteti.

Masat konsistojnë në përforcimin e parametrave të sigurisë rrugore, disiplinimin e lëvizjes dhe menaxhimin e trafikut, parandalimin e aksidenteve automobilistike, parandalimin e veprimeve të kundërligjshme në drejtim të krimeve kundër personit, pronës, krimeve financiare, në fushën e narkotikëve, si dhe mbajtjen nën kontroll të personave me precedent kriminal. Gjithashtu, në kuadër të këtij aktiviteti do të kryen patrullime dhe kontrolle të përbashkëta, në bashkëpunim me Policinë Bashkiake.

1.Do të bllokohet qarkullimi i automjeteve nga “City Center” deri te rrethrrotullimi në afërsi të Terminalit, nga ora 18:30-01:00, me përfundimin e aktivitetit.

2.Orientimi i lëvizjes së automjeteve për në vendet e përcaktuara, për parkim, nga Bashkia Korçë, kryesisht përreth Terminalit të Autobusëve dhe te Pazari i Vjetër, do të bëhet në bashkëpunim me autoritetet bashkiake.

3.Do të kryhet menaxhimi i trafikut gjatë lëvizjes së mjeteve dhe këmbësorëve, në rrugët: “Midhi Kostani”, “Kiço Greço”, “Marigo Pozio”, në pikat e hyrjes në Terminalin e Autobusëve, te Pazari i Vjetër, si edhe në zonat e tjera përreth ku zhvillohen aktivitetet.

4.Në të gjithë qytetin, në vendet që do të zhvillohet festa ku pritet të ketë grumbullim dhe qarkullim më të madh të njerëzve, në bulevardet kryesore dhe në akset rrugore që lidhin Korçën me rrethet e tjera, do të ketë prezencë të shtuar të shërbimeve të Policisë.

Festa e Birrës do të zhvillohet nga data 16 gusht deri më 20 gusht në qytetin e Korçës, në ambientet e brendshme të Terminalit të Autobusëve, në lagjen nr. 17, si dhe në ambientet e Pazarit të Vjetër, Korçë, nga ora 20:00 deri në orën 01:00./ CNA





Lajmet e fundit nga