E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

Presidenti pret në takim homologun austriak/ Bajram Begaj zbardh detajet e diskutimeve

27 Mars 2023, 15:56, Politikë CNA

Presidenti pret në takim homologun austriak/ Bajram Begaj zbardh detajet e

Presidenti Bajram Begaj priti sot në takim në Tiranë homologun e tij austriak Alexander Van der Bellen.

Begaj u shpreh se ky takim tregon se Austria është një partner dhe mik historik i Shqipërisë. Presidenti vlerësoi homologun e tij për kontributin e dhënë në forcimin dhe zgjerimin e marrëdhënieve midis dy vendeve në të gjitha dimensionet.

Dy presidentët diskutuan rreth aspekteve të ndryshme të bashkëpunimit mes dy vendeve, si dhe për mbështetjen e Austrisë për anëtarësimin e Kosovës në organizatat ndërkombëtare.

“Kënaqësi të mirëprisja sot Presidentin Federal të Republikës së Austrisë, Sh.T.Z. Alexander Van der Bellen. Vizitën e konsideroj një tregues të marrëdhënieve të shkëlqyera midis dy vendeve dhe popujve tanë.

Për ne, Austria është një partner dhe mik historik i Shqipërisë dhe shqiptarëve. I shpreha Presidentit Van der Bellen vlerësimin për kontributin e tij të veçantë në forcimin dhe zgjerimin e marrëdhënieve midis dy vendeve tona, në të gjitha dimensionet.

Gjatë takimit, biseduam për aspekte të ndryshme të bashkëpunimit, duke ndarë vlerësimin pozitiv për arritjet dhe duke inkurajuar nxitjen e këtij bashkëpunimi në të gjitha fushat e mundshme me interes të ndërsjellë.

Mirënjohje për të gjithë mbështetjen që Austria i ka dhënë Shqipërisë në rrugën drejt anëtarësimit në BE, ku përfshihet mbështetja politike, ekonomike, infrastrukturore e mbi të gjitha mbështetja për reformën në drejtësi.

Kjo vizitë është gjithashtu, një dëshmi e mëtejshme e angazhimit serioz të Austrisë në proceset integruese të Shqipërisë dhe rajonit të Ballkanit Perëndimor.

Shumë e rëndësishme është mbështetja e Austrisë për anëtarësimin e Kosovës në organizatat ndërkombëtare, si dhe për aplikimin e Kosovës në Këshillin e Evropës. E falenderova Presidentin Van der Bellen për mbështetjen e plotë që Austria i ka dhënë vazhdimisht Kosovës, si dhe për liberalizimin e vizave, si dhe së fundmi, për dialogun Kosovë – Serbi, kaq të rëndësishëm për paqen në rajon.

Me Presidentin Van der Bellen rikonfirmuam qëndrimet e vendeve tona për dënimin e agresionit të paprovokuar rus ndaj Ukrainës, kundër një vendi sovran dhe në mbështetjen e palëkundur për popullin ukrainas dhe të integritetit territorial të saj”, shkruan Begaj./CNA.al