web counter
LEXO PA REKLAMA!

SHKARKO APP

App Store
Google Play

E fundit!

x

Bylykbashi propozon ndryshim në Kodin Penal/ "Të targetojmë zyrtarët e korruptuar"

27 Mars 2023, 11:30, Politikë CNA

Bylykbashi propozon ndryshim në Kodin Penal/ "Të targetojmë

Nënkryetari i Partisë Demokratike, Oerd Bylykbashi, gjatë mbledhjes së Komisionit për çështjet Ligjore ka propozuar një ndryshim në kodin penal, i cili përcakton veprat penale, dënimet dhe masat e tjera që merren ndaj autorëve të tyre.

“Nuk i nënshtrohen parashkrimit, veprat penale dhe akuzat penale te korrupsionit dhe te krimit te organizuar, kundër kryeministrit, zëvendëskryeministrit, ministrit, kryetarit të Kuvendit, Kryetarit të Bashkisë Tiranë, drejtuesit e institucioneve qendrore pergjegjese per prokurimet pub/ike  dhe koncesionet, si dhe ish-funksionareve të sipërpërmendur. Kjo dispozite i shtrin efektet e saj deri në datë 31.12.2037″”, ishte propozimi për ndryshim i bërë nga Bylykbashi.

Gjatë fjalës së tij ai u shpreh se duhet të targetizohen zyrtarët e korruptuar, pasi sipas tij ata kanë prova që ministrat, edhe pse janë në ndjekje penale, mbrohen nga kryeministri.

“Prokuroria e Krimeve të Rënda ka qenë më efektive se sa është SPAK sot. Një nga problemet më të mëdha ka qenë kapja e sistemit të drejtësisë. Propozimi ynë ka të bëjë me një ndryshim në Kodin Penal të Republikës së Shqipërisë që targeton ata mbajtës pushteti që kontrollojnë dhe shpërdorojnë nëpërmjet korrupsionit paranë publike. Janë këta zyrtarë që me prova në sy të të gjithëve, janë të akuzuarit nga opinioni publik se janë përgjegjës për korrupsionin që po shkatërron themelin e së drejtës. Nëpërmjet kësaj dispozite, deri në vitin 2037, nuk mund të fshihet pas parashkrimit të ndjekjes penale, por do të jenë përgjegjës para drejtësisë. Nuk mundet parashkrimit të jetë mburojë i një prej kancerëve me të tmerrshëm që po përjetohet në këto kohë. Parashkrimi nuk mund të jetë mbrojtje, për kryeministrin, ministrat kryetarin e bashkisë Tiranë dhe ata që menaxhojnë paranë publike”, tha Bylykbashi./CNA





Lajmet e fundit nga