E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Kuvendi mblidhet në seancë plenare, Xhaçka në Maqedoni/ Çfarë pritet të ndodhë sot

27 Mars 2023, 07:53, Politikë CNA

Kuvendi mblidhet në seancë plenare, Xhaçka në Maqedoni/

Ditën e sotme pritet të zhvillohet një sencë plenare e posaçme në Kuvendin e Shqipërisë rreth orës 13:00.

Rend i ditës do të nisë me fjalën përshëndetëse të Presidentit Federal të Republikës së Austrisë, z. Alexander Van der Bellen.

“I. Mbledhjen e Kuvendit ne seance te posaçme ne daten 27.3.2023, ora 13:00.

II. Rendi i dites i seances se posaçme eshte si me poshte:

Fjala pershendetese e Presidentit Federal te Republikes se Austrise, z. Alexander Vander

Bell en.

III. Ngarkohen Sherbimet e Kuvendit per publikimin e rendit te dites te seances plenare, njoftimin

e anetareve te Kuvendit me ane te mjeteve te komunikimit elektronik.

IV. Ky urdher hyn ne fuqi menjehere”, njofton Kuvendi.

Ministrja për Europën dhe Punët e Jashtme, Olta Xhaçka, do të zhvillojë një vizitë zyrtare në Maqedoninë e Veriut, ku pritet të takojë Ministrin e Jashtëm të RMV, Bujar Osmani.

Ministrja Xhaçka do të zhvillojë takime edhe me Presidentin Stevo Pendarovski; Kryetarin e Kuvendit, Talat Xhaferi; Zëvendëskryeministrin, Artan Grubi, si dhe me kryetarin e BDI-së, Ali Ahmeti.

Komisioni për Çështjet Ligjore, Administratën Publike dhe të Drejtat e Njeriut pritet të mblidhet sot në orën 11:00 ku do të diskutohen dhe prezantohen disa projektligje.

“1. Projektligj “Për disa ndryshime dhe shtesa në
ligjin nr. 97/2013 “Për mediat audiovizive në republikën shqipërisë””, të
ndryshuar

2. Projektligj “Për fondet e pensionit privat"

3. . Prezantim i projektligjit ”Për një ndryshim në ligjin nr. 7895, datë 27.1.199, “Kodi
Penal i Republikës së Shqipërisë”, të ndryshuar

4. Prezantim i projektligjit “Për një ndryshim dhe shtesë në ligjin nr.7895, datë
27.1.1995 “Kodi Penal i Republikës së Shqipërisë”, i ndryshuar”

5. Prezantim i projektligjit "Për disa shtesa në
Ligjin Nr. 7895, datë 27.1.1995 "Kodi Penal i Republikës së Shqipërisë",
i ndryshuar"

6. Prezantim i projektligjit “Për Indeksimin e Pagës së Punonjësve dhe Nënpunësve në
Republikën e Shqipërisë”

7. Prezantim i projektligjit “Për identifikimin e pronarëve përfitues të partnerëve
në sektorin publik”

8. Prezantim i projektligjit “Për Referendumet”, njofton Kuvendi.

Ndërkohë pritet të mblidhet dhe Komisioni për Punën, Çështjet Sociale dhe Shëndetësinë për të miratuar kalendarin e punës së komisionit për periudhën 20 mars – 7 prill 2023./CNA