Nga integrimi te marrëveshja e Ohrit/ Xhaçka: “Duhet të thellojmë reformat dhe të bashkëpunojmë ngushtë”

27 Mars 2023, 12:18, Politikë CNA

Nga integrimi te marrëveshja e Ohrit/ Xhaçka: “Duhet të

Ministrja e Punëve të Jashtme, Olta Xhaçka

Ministrja e Punëve të Jashtme, Olta Xhaçka, ka zhvilluar një takim me homolugun e Maqedonisë së Veritu, Bujar Osmani.

Xhaçka gjatë fjalës së saj e ka vënë theksin te bashkëpunimi mes dy vendeve të rajonit, duke e cilësuar si një model të bashkëpunimit.

“Bashkëpunimi Shqipëri-RMV është kthyer në një model të bashkëpunimit mes fqinjëve në rajonin tonë.

Diskutuam për intensifikimin e bashkëpunimit në disa fusha me interes të përbashkët.

Korridori 8 duhet të shërbejë si boshti i bashkëpunimit e shkëmbimeve mes vendeve tona”, ka thënë Xhaçka.

Ndër të tjera ka nënvizuar se duhet një bashkëpunim më i ngushtë sa u përket reformave dhe negociatave për integrimin në BE.

“Negociatat, kemi përgjegjësi që të thellojmë reformat dhe të bashkëpunojmë ngushtë.

Viti 2022 ka qenë historik për dy vendet tona dhe për gjithë rajonin në tërësi.

Samiti i BE-BP në Tiranë, sinjal i qartë i ruajtjes së fokusit të BE ndaj rajonit tonë.

Inkurajoj aktorët politikë në RMV, që t’i përmbushin angazhimet për t’i hapur rrugë procesit të integrimit.

Vlerësim maksimal ndaj rolit dhe kontributit të patjetërsueshëm të shqiptarëve në RMV.

Kanë dëshmuar se janë kontributorë të stabilitetit dhe zhvillimit të vendit.

Shqiptarët në MV dhe pakica maqedonase në Shqipëri, urë e fortë lidhëse miqësie e bashkëpunimi.

Situata në rajon është bërë shumë më komplekse pas agresionit të Rusisë ndaj Ukrainës”, u shpreh Xhaçka.

Më tej ka folur për marrëveshjen e Ohrit, duke thënë se kjo marrëveshje ndonëse e panënshkruar do të kontribuojë në forcimin e stabilitetit në Ballkanin Perëndimor dhe perspektivën e tij euroatlantike.

“Ndava me kolegun Osmani, vlerësimin tonë lidhur me dialogun Kosovë-Serbi.

Ne e mirëpritëm marrëveshjen e arritur në Ohër më 18 mars, edhe pse dokumenti nuk është nënshkruar prej tyre.

Kjo marrëveshje do të kontribuojë në forcimin e stabilitetit në BP dhe perspektivën e tij euroatlantike.

Urime RMV në drejtimin e OSBE-së dhe të Kartës së Adriatikut.

Ta shfrytëzojmë këtë moment, për të kontribuar konkretisht drejt zhvillimit të rajonit”, tha Xhaçka./ CNA.al