web counter
LEXO PA REKLAMA!

SHKARKO APP

App Store
Google Play

"PD nuk ka asnjë financim rus"/ Berisha: Prokuroria mori peng Bashën

27 Mars 2023, 13:09, Politikë CNA

"PD nuk ka asnjë financim rus"/ Berisha: Prokuroria mori peng

Kreu i Parisë Demokratike, Sali Berisha, është shprehur se në PD nuk ka hyrë dhe as nuk ka dalë nga financat e saj asnjë qindarkë.

Kryedemokrati u shpreh gjithashtu se çdo veprim tjetër është personal duke shtuar se Prokuroria e vuri nën akuzë Bashën për larje parash, ndërkohë mbylli dosjen dhe e mori peng.

“Normalisht, ajo nuk duhet të ndodhë sepse raporti ynë nuk ka asnjë element të ri krahasuar me dosjen e prokurorisë që hetoi dhe mbylli Edi Rama. Ne nuk kemi gjë të re, kemi vetëm këtë fakt, që PD nuk ka në arkën e saj një qindarkë të vetme të hyrë apo të dalë për 500 mijë dollarë të paguar nga Biniatta Trade, një kompani e zbulimit rus në Skoci, në emër të PD-së. Nuk ka. Ky është konkluzioni i raportit tonë. Këtë e ka ditur prokuroria, e ka dosja e prokurorisë, por prokuroria, e cila e vuri nën akuzë Lulzim Bashën për larje parash, e mbylli dosjen dhe mori peng Bashën. Ka një zhvillim, zhvillimi është aktakuza e organeve amerikane të drejtësisë, në të cilën Edi Rama ka kontraktuar McGonigal për hetimin e lobistit Nick Muzin, në të cilën Edi Rama nëpërmjet këshilltarit të tij privat, Dorian Duçka, ka dërguar dy dëshmitarë nga Europa, nuk specifikohet vendi, për të dëshmuar para FBI-së lidhur me financimin rus të PD-së. Çfarë kemi të bëjmë këtu? Këtu kemi të bëjmë me një vepër krimi shumë të rëndë të Edi Ramës, i cili konfirmoi edhe në daljen e tij në 'Opinion' se dëshmitarët janë dërguar dhe se ata janë njerëz të PD-së. Domethënë, Edi Rama, këshilltari i tij Duçka, kontraktuan McGonigal dhe e furnizuan atë, e paguan de facto, se paratë Agron Nezës ia ka dhënë Dorian Duçka. A përbën kjo një detyrim hetimor për prokurorinë? E padiskutueshme. Edi Rama del se fsheh krimin. Ai automatikisht vendoset nën hetim. Dorian Duçka vendoset automatikisht nën hetim. Duhet të tregohen se kush janë dëshmitarët dhe të dëshmojnë të vërtetën pranë prokurorisë. Lulzim Basha duhet të ballafaqohet me të gjitha provat e reja që sjellin Duçka, dëshmitarët dhe Rama në kuadrin, qoftë të larjes së parave, qoftë të financimit rus. A hap SKAP-i i partisë çështje për këtë çështje? Ai është organi më i kapur në Europë sot”, u shpreh Berisha./CNA





Lajmet e fundit nga