web counter
LEXO PA REKLAMA!

SHKARKO APP

App Store
Google Play

E fundit!

x

SPAK, në hetim 3 çështje për ministren Olta Xhaçka

16 Gusht 2023, 15:56, Aktualitet CNA
SPAK, në hetim 3 çështje për ministren Olta Xhaçka
Olta Xhaçka, ish-ministre e Mbrojtjes, sot ministre e Jashtme

Gazetari Klodian Tomorri sot publikoi një lajm në lidhje me një urdhër të SPAK-ut dhe oficerëve të BKH-së për gjeneralët e ushtrisë shqiptare, sekuestrime telefonash dhe veprime konkrete procedurale.

E vërteta është se oficerët e BKH-së dhe SPAK-ut kanë qenë më shumë sesa një herë në Ministrinë e Mbrojtjes, ndoshta me dhjetëra, dhe çështja në hetim nuk është një, por disa.

Nuk ka vertëm një çështje si ajo që përflitet e Sarandës, ku te forcat detare pretendohet se është bërë një kontratë e paligjshme, korruptive, një objekt i komandës së marinës detare është në hetim nga SPAK-u, etj., por janë 3 çështje.

Së pari, është kallëzimi i ish-deputetit të PD-së, ish-Shefit të Shtabit të Ushtrisë, Xhemal Gjunkshi, i cili ka kallëzuar në vitin 2019 ministren Olta Xhaçka, pasi ka shkuar gjatë zgjedhjeve lokale të atij viti me helikopterin e ushtrisë në fushatë.

E dyta, është një çështje në lidhje me flotën tonë detare në Shëngjin të Lezhës. Te baza e kësaj flote është bërë një ndërtim. Ndërtimi ka një tjetër skandal më vete, pasi qytetari që e ka kryer ka lejen në dorë të dhënë nga dy kryetarë bashkie, ai i PD-së dhe ai i LSI-PS. Kanë qenë të dy këta kryebashkiakë që kanë shtyrë procedurat, më pas është dhënë dhe firmosur edhe leja e ndërtimit. Pra, një objekt privat brenda një baze ushtarake detare.

Dhe e treta është ajo e godinave dhe e të gjitha ambienteve të flotës detare në Sarandë.

Olta Xhaçka, sot ministre e Jashtme, hetohet për 3 çështje të ndryshme gjatë kohës që ka qenë ministre e Mbrojtjes dhe në atë periudhë janë këto 3 hetime të ndryshme nga njëra-tjetra në SPAK.

Zonja Xhaçka është thirrur disa herë, ka dhënë sqarimet e saj. SPAK-u ka përparuar shumë me zbardhjen e së vërtetës të ngjarjeve dhe përgjegjësive ligjore, të cilat i kërkojnë edhe brenda komandës ushtarake të Shtabit të Përgjithshëm të Ushtrisë, por edhe te pjesa politike, siç është ish-ministrja e Mbrojtjes, sot ministre e Jashtme, Olta Xhaçka.





Lajmet e fundit nga