LEXO PA REKLAMA!

SHKARKO APP

“Beleri i burgosur politik i Ramës”, Meta: Duan t'i djegin mundësinë për t'u bërë kryetar i Bashkisë Himarë

16 Gusht 2023, 14:00, Aktualitet CNA

“Beleri i burgosur politik i Ramës”, Meta: Duan t'i djegin

Kryetari i Partisë së Lirisë, Ilir Meta, në një deklaratë për mediat tha se Fredi Beleri është i burgosur politik i kryeministrit aktual.

Sipas tij rasti i Belerit është rasti i shembjes së mosekzistencës së shtetit në vendin tonë.

Me këtë veprim, sipas Metës, Rama ka treguar se ka kapur shtetin, se është një armik i zgjedhjeve të lira e shtetit të së drejtës.

"Protestat në një vend demokratik duhet të jenë të përditshme e të natyrave të ndryshme. Beleri është një i burgosur politik i kryeministrit aktual. Provat për të nuk kanë munguar. Rasti 'Beleri' është rasti i shembjes së mosekzistencës së shtetit në vendin tonë. Ka qenë bllokimi i tij fizik me qëllim humbjen e Bashkisë Himarë. Mbajtja e tij në burg është një tregues i mosekzistencës së shtetit ligjor. Bëhet që atij t'i pamundësohet betimi si kryetar i Bashkisë së Himarës. Do të vazhdojë tjetërsimi I pronave që Beleri kishte premtuar t'i jepte fund këtij operacioni mafioz. Beleri do të ishte një pengesë. Me këtë veprim Rama ka treguar se ka kapur shtetin, se është një armik i zgjedhjeve të lira e shtetit të së drejtës. Beleri është i burgosur politik, duan t'i djegin mundësinë për t'u bërë kryetar bashkie."/ CNA

Lajmet e fundit nga