web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Në inceneratorin e Tiranës u faturuan 1.6 mln euro më shumë për sasinë minimale të mbetjeve

16 Gusht 2023, 14:19, Aktualitet CNA

Berisha: Në inceneratorin e Tiranës u faturuan 1.6 mln euro më

Ish-kryeministri Sali Berisha në një deklaratë nga selia e Partisë Demokratike tha se për inceneratorin e Tiranës janë faturuar 1.6 milionë euro më shumë për sasinë minimale të mbetjeve.

Sipas tij kontrata parashikonte sasinë minimale prej 5.6 milionë eurosh ose 200 mijë ton, ndërsa u faturuan 255 mijë ton, pra, faturohej si pagesë minimale 1.6 milionë euro më shumë.

“Rezulton se kontrata e djegësit të Erion Veliajt, e cila në 30 vite u kushton taksapaguesve rreth 1 miliard euro, nga të cilat 450 janë pagesat për mbetjet e djegshme dhe 450 të tjera janë për dherat dhe inertet, pjesa tjetër janë të gjitha fitime që nxirren nga shitja e hekurit, letrës, etj. Kjo ngarkesë 30-vjeçare, 1 miliard euro, mbi shpatullat e taksapaguesve kalon vetëm me firmën e Veliajt, në dhunim të kushtetutës, pa miratimin e Këshillit Bashkiak. Kjo për faktin se ai nuk kishte ? dhe miratimi në këshill i kësaj barre të rëndë kërkonte ? e votave.

Në tabelën e parë, që është me firmë dhe me vulë të të gjithë aktorëve, detyrimi për pagesë minimale ishte 5.6 milionë euro. Por ky detyrim, nga Erion Veliaj, pa asnjë shpjegim, por vetëm për hajni, rritet nga nga 5.6 milionë euro, në 7.4 milionë euro. Pa asnjë justifikim, kur kontrata parashikonte sasinë minimale prej 5.6 milionë eurosh ose 200 mijë ton, kurse Erion Veliaj faturonte 255 mijë ton. Faturonte si pagesë minimale 1.6 milionë euro më shumë, të cilat sigurisht i zhdukte në vrimat e zeza në Zimbabve apo në kontot 'offshore'”, tha Berisha./ CNA





Lajmet e fundit nga