web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti/ Bie denoncimi i PD-së, firma skandaloze “Korsel” nuk ishte pezulluar

16 Gusht 2023, 16:42, Aktualitet CNA
Dokumenti/ Bie denoncimi i PD-së, firma skandaloze “Korsel” nuk
Fotomontazh - Selia e PD-së dhe logoja e firmës "Korsel"

Partia Demokratike denoncoi pasditen e sotme firmën e pastrimit “Korsel” sh.p.k.

PD ngriti pretendimet se firma “Korsel” ka marrë 4 tendera nga Bashkia Korçë, ndërkohë që Autoriteti i Prokurimeve Publike e ka përjashtuar nga pjesëmarrja në prokurimet publike deri më 27 qershor 2023.

Në fakt, “Korsel” është denoncuar edhe më parë. Ka qenë CNA ajo që e ka denoncuar e para, kemi nxjerrë fakte dhe dokumente në lidhje me tenderin që po zhvillohej për pastrimin e Tiranës.

CNA ka raportuar se si kjo firmë pastrimi ka mashtruar bashkinë e Tiranës për pastrimin e kryeqytetit. Më pas, ka pasur një vendim të APP-së që e përjashtonte 18 muaj këtë firmë nga pjesëmarrja në prokurimet publike.

Pas denoncimit të PD-së, CNA mësoi nga burime zyrtare në Bashkinë e Korçës që “Korsel” ka paraqitur vendim gjykate që i heq pezullimin për të marrë pjesë në tendera.

Më pas, Bashkia e Korçës i është drejtuar APP-së me një kërkesë për konfirmim nëse kompania e pastrimit mund të marrë pjesë në tendera dhe kjo e fundit është përgjigjur se “Korsel” është hequr nga lista e të përjashtuarve.

Dokumenti/ Bie denoncimi i PD-së, firma skandaloze “Korsel” nuk
Pëgjigja e APP-së për firmën "Korsel"

Në këtë rast, denoncimi i PD-së nuk qëndron.

Së pari, ka një vendim gjykate. APP-ja e ka pezulluar firmën skandaloze “Korsel” për 18 muaj, por ajo e ka ankimuar vendimin në gjykatë. Gjykata ka marrë një vendim në favor të firmës dhe APP-ja e ka hequr nga lista e të pezulluarve, duke e lejuar kështu të vazhdojë procedurën. Një vendim gjykate kuptohet se qëndron mbi vendimin e dhënë nga APP-ja.

Dokumenti/ Bie denoncimi i PD-së, firma skandaloze “Korsel” nuk
Vendimi i APP-së për heqjen e firmës "Korsel" nga lista e të përjashtuarve

E dyta, ekspertët e opozitës duhet ta dinë që subjektit që përjashtohet nga tenderat, APP-ja i bllokon llogaritë. Kështu, firma nuk mund të hyjë në konkurrim dhe të bëhet pjesë e garës edhe nëse e dëshiron diçka të tillë.

Pra, nuk ka asnjë skandal për t’u theksuar në bashkinë Korçë. Sa për subjektin “Korsel” është një firmë që duhet hetuar, pasi ka raste të përsëritura në Tiranë, në Ersekë, në Sarandë dhe gjetkë./ CNA





Lajmet e fundit nga