web counter
LEXO PA REKLAMA!

SHKARKO APP

App Store
Google Play

E fundit!

x

Koncesioni i sterilizimit “fundos” zyrtarët/ Arrestohen biznesmeni dhe ish-zv.ministri

17 Gusht 2023, 09:10, Aktualitet CNA
Koncesioni i sterilizimit “fundos” zyrtarët/ Arrestohen
Ish-zv.ministri i Shëndetësisë, Klodian Rjepaj dhe biznesmeni Ilir Rrapaj

Dy persona kanë rënë në pranga për llogari të SPAK-ut në lidhje me koncesionin e sterilizimit.

Ashtu siç edhe kishte paralajmëruar më parë CNA, raportohet se janë arrestuar ish-zv.ministri i Shëndetësisë, Klodian Rjepaj dhe biznesmeni Ilir Rrapaj.

Gjithashtu, mësohet se janë lëshuar edhe urdhër-arreste të tjera për zyrtarë e ish-zyrtarë të Ministrisë së Shëndetësisë.

GJKKO ka caktuar masën e sigurisë “arrest me burg” për ish-zv.ministrin dhe biznesmenin. Në “arrest shtëpie” ka lënë dy zyrtarë dhe 4 të tjerë në “detyrim paraqitjeje”.

Për këto arrestime nuk ka ende një reagim zyrtar nga SPAK-u, i cili prej vitesh ka nisur hetimet për koncesionin e sterilizimit.

Për këtë koncesion, SPAK ka marrë në pyetje më parë ish-ministrin e Shëndetësisë, Ilir Beqaj dhe ish-ministren e Financave, Anila Denaj.

Kujtojmë se koncesioni iu dha në vitin 2015, një konsorciumi, ku pjesën më të madhe e kishte një kompani e vogël e një emigranti shqiptar në Itali, Ilir Rrapaj, për të cilin pati në atë kohë njoftime se, përpara se të bëhej fitues i koncensionit, kishte patur kontakte të vazhdueshme me ministrin e kohës, Ilir Beqaj./ CNA





Lajmet e fundit nga