web counter
LEXO PA REKLAMA!

SHKARKO APP

App Store
Google Play

Çel siparin Festa e Birrës/ Starton edicioni i 17-të me atmosferë të zjarrtë

16 Gusht 2023, 21:23, Aktualitet CNA

Çel siparin Festa e Birrës/ Starton edicioni i 17-të me

Këtë mbrëmje të 16 gushtit është çelur sipari i edicionit të 17-të të Festës së Birrës, festës më të madhe verore në Shqipëri.

Festa është hapur nga këngëtari i mirënjohur dhe shumë i dashur për publikun Lorenc Hasrama, i cili ka sjellë një atmosferë të zjarrtë që në nisje të kësaj nate të parë.

Në skenë pritet të ngjiten këtë mbrëmje edhe Irkenc Hyka, Ylli Limani dhe Stivi Boka për t’i dhënë edhe më tepër entuziazëm festës.

Përveç muzikës elektrizuese, turistët dhe pushuesit që kanë vendosur të shkojnë në Korçë, janë duke shijuar ushqimet tradicionale nga më të shijshme dhe birrat të markave të ndryshme.

E konfirmuar tashmë si një nga eventet më të mëdha dhe organizimet më serioze në Shqipëri, me impakt të madh në zhvillimin e turizmit dhe ekonomisë lokale, festa edhe këtë vit ka thyer rekordet e vizitorëve nga brenda dhe jashtë Shqipërisë që zgjedhin Korçën si destinacion.

Ashtu siç njoftoi edhe nënkryetarja e bashkisë së Korçës, Belina Themeli, qyteti juglindor nuk ka më dhoma bosh në hotelel për shkak të fluksit të turistëve dhe vizitorëve që kanë zgjedhur të kalojnë 5 netë magjike në Korçë.

Festa e Birrës është ideuar dhe implementohet prej 17 vitesh nga Bashkia Korçë në bashkëpunim me partnerë implementues dhe pjesëmarrjen dhe mbështetjen e bizneseve më prestigjoze në Shqipëri.

Ajo do të vijojë edhe për 4 netë të tjera, ku pritet të ngjiten në skenë emra të njohur të muzikës shqiptare dhe jo vetëm. Në skenën e Festës së Birrës do të performojnë edhe artistë grekë dhe irlandezë. Nuk na mbetet gjë tjetër, veçse t’ju themi shijojeni festën dhe nxitoni për të përjetuar emocione të paharrueshme në Korçë./ CNA





Lajmet e fundit nga