LEXO PA REKLAMA!

SHKARKO APP

Shkëlqim Cani thirret në SPAK/ Ish-ministri, dëshmi para prokurorëve

17 Gusht 2023, 10:04, Aktualitet CNA
Shkëlqim Cani thirret në SPAK/ Ish-ministri, dëshmi para
Ish-ministri i Financave, Shkëlqim Cani

Ish-ministri i Financave, Shkëlqim Cani, është paraqitur mëngjesin e kësaj të enjteje në Prokurorinë e Posaçme kundër Korrupsionit dhe Krimit të Organizuar.

Mësohet se SPAK-u do të marrë në pyetje Shkëlqim Canin për koncesionin e sterilizimit.

Ai do të pyetet në cilësinë e personit që ka dijeni për koncesionin e sterilizimit.

Për koncesionin e sterilizimit, policia ka arrestuar ish-zv.ministrin e Shëndetësisë, Klodian Rjepaj dhe biznesmenin Ilir Rrapaj.

GJKKO ka caktuar masën e sigurisë “arrest me burg” për ish-zv.ministrin dhe biznesmenin. Gjithashtu ka lënë në “arrest shtëpie” dy zyrtarë dhe 4 të tjerë në “detyrim paraqitje”.

Kujtojmë se koncesioni iu dha në vitin 2015, një konsorciumi, ku pjesën më të madhe e kishte një kompani e vogël e një emigranti shqiptar në Itali, Ilir Rrapaj, për të cilin pati në atë kohë njoftime se, përpara se të bëhej fitues i koncensionit, kishte patur kontakte të vazhdueshme me ministrin e kohës, Ilir Beqaj./ CNA

Lajmet e fundit nga