web counter
LEXO PA REKLAMA!

SHKARKO APP

App Store
Google Play

E fundit!

x

Nga risitë tek impakti dhe ndryshimet në vitin e ardhshëm/ Sotiraq Filo, detaje për Festën e Birrës

17 Gusht 2023, 12:48, Aktualitet CNA
Nga risitë tek impakti dhe ndryshimet në vitin e ardhshëm/
Kryetari i Bashkisë së Korçës, Sotiraq Filo

Mbrëmjen e kaluar filloi Festa e Birrës në qytetin e Korçës, e cila do të vijojë edhe për 4 net radhazi.

Për festën madhështore ka folur këtë të enjte kryetari i Bashkisë së Korçës, Sotiraq Filo, i cili ka treguar risitë e këtij viti.

“Dje ka filluar edicioni i 17-të i Festës së Birrës në Korçë. Është një festë që ka një histori shumëvjeçare tashmë, një prej eventeve më të mëdha, do thosha eventi më i madh veror në Shqipëri.

Risia e këtij viti është padyshim numri i madh i këngëtarëve të njohur, pra programi artistik më i madh dhe më i mirë sesa vitet e tjera dhe patjetër pastaj edhe pjesëmarrja e shumë kompanive të birrës, meqenëse flasim për një festë birre, por edhe të kompanive që tregtojnë produkte të tjera lokale.

Pra, e gjithë përmasa e festës, edhe atmosfera që krijohet e bëjnë këtë festë një ngjarje shumë të veçantë dhe spektakolare”, u shpreh ai për mediat.

Filo u ndal edhe tek impakti që Festa e Birrës ka sjellë në ekonominë shqiptare me fluksin e turistëve që kanë “zbarkuar” në Korçë.

“Festa e Birrës ka një impakt shumë të madh në ekonominë lokale të qytetit të Korçës dhe jo vetëm. Është një festë e cila sjell një numër të madh vizitorësh, pasi pjesëmarrës në këtë festë janë jo vetëm banorët e Korçës, por edhe shumë njerëz që vijnë për shkak të festës. Dhe të cilët patjetër shpenzojnë, mjafton të themi që të gjitha hotelet në qytetin e Korçës, në fshatrat turistike të Korçës deri në qytetet fqinje janë të mbushur me vizitorë që marrin pjesë në Festën e Birrës. Përveç hoteleve është patjetër e gjithë pjesa e ekonomisë, e konsumit që ata bëjnë, e vizitës që kryejnë në qytet. Pra, është një festë që gjallëron të gjithë qytetin dhe ka një impakt të madh ekonomik”, theksoi kryebashkiaku i Korçës.

Ai përmendi edhe faktin se të gjitha hotelet në Korçë dhe në zonat përreth janë prenotuar dhe nuk kanë më dhoma bosh nga fluksi i turistëve.

Filo tregoi edhe ndryshimet që do të bëhen vitin e ardhshëm, të cilat lidhen kryesisht me ndryshimin e vendit ku do të mbahet festa.

“Ne jemi duke menduar për të bërë disa ndryshime për periudhën në vazhdim, të cilat mendojmë kryesisht të lidhet me vendin ku organizohet festa. Vendi ku ne e kemi organizuar vitet e fundit, te Terminali i ri i Autobusëve na rezulton i pamjaftueshëm për të akomoduar të gjithë numrin e madh të pjesëmarrësve të kësaj feste, prandaj ne jemi duke menduar për të parë alternativa të tjera dhe një prej tyre mund të jetë edhe projekti i ndërtimit të një qendre të madhe të eventeve dhe jetës së natës në pjesën jugore të qytetit përgjatë rrugës Korçë-Ersekë, atje ku ndodhen vaskat e peshkut”, theksoi kryebashkiaku i Korçës./ CNA





Lajmet e fundit nga