Video-Si e mbronte Rama koncesionin 100 milionë euro të sterilizimit

17 Gusht 2023, 19:02, Aktualitet CNA

Prokuroria e Posaçme arrestoi ditën e sotme 8 zyrtarë në lidhje me koncesionin e sterilizimit, mes tyre ish zëvendësministri Klodian Rrjepaj dhe biznesmeni Ilir Rrapaj.

Për këtë çështje, Gjykata i ka kërkuar SPAK të hetojë edhe ish ministrat Ilir Beqaj dhe Shkëlqim Cani.

Por le të kthehemi pas në kohë, në kohën kur kryeministri Edi Rama e mbronte "me thonj" koncesionin e sterilizimit prej 100 milionë eurosh.

Në një intervistë në emisionin "Të paekspozuarit", thuajse 6 vite më parë, kryeministri Edi Rama përballë gazetarit Ylli Rakipi mbronte koncesionin 100 milionë eurosh.

Rakipi shprehu shqetësimin e tij në lidhje me atë që këtë koncension 100 milionë eurosh ia kishte dhënë një emigrant që kishte një kompani me një të punësuar me 1500 euro kapital, duke përmenduar Ilir Rrapajn.

“Kemi sterilizimin, koncesioni 100 milionë dollarë i është dhënë një emigrnati Ilir Rrapaj me një kompani me një të punësuar dhe vetëm 1500 euro kapital. Unë të vë më shumë, 150 mijë euro!!!””, i është drejtuar Ramës Rakipi, ndërsa numri një i qeverisë, mbronte me "mish e me shpirt" faktin se kishin krijuar sistemin perfekt të sterilizimit dhe se për të nuk kishte rëndësi njeriu që përfaqësonte kompaninë, por sistemi .

Diskutimi mes gazetarit Ylli Rakipi dhe Edi Rama.

Rakipi: Kemi sterilizimin, koncesioni 100 milionë dollarë i është dhënë një emigrnati Ilir Rrapaj me një kompani me një të punësuar dhe vetëm 1500 euro kapital. Unë të vë më shumë, 150 mijë euro!!!

Rama: Ylli i pe këto apo si pe? Këto ta mbushim mendjen? Ti më flet për njeriun unë të flas për sistemin.

Paguajmë 8 milionë euro në vit për 10 vjet dhe shpëtojmë nga pasojat e infeksioneve të gjithë ata që operohen në spitalet e Shqipërisë. Flas për sistetimn që kemi ndërtuar është perfekt, i sterilizimit.

Rakipi: Ia ke dhënë një njeriu me 1500 euro kapital, më jep mua

Rama: Edhe një herë po të flas realitetin ti ke në dorë të më sfidosh të shkosh në spital.

Më poshtë mund të ndiqni videon ku shihet se si Rama mbronte koncesionin 100 milionë eurosh të sterilzimit përballë gazetarit Ylli Rakipi./ CNA