web counter
LEXO PA REKLAMA!

SHKARKO APP

App Store
Google Play

E fundit!

x

Vlora, një vit pa asnjë vrasje/ Gazetari: Qyteti bregdetar, jashtë “hartës së zezë”

18 Gusht 2023, 15:35, Aktualitet CNA

Vlora, një vit pa asnjë vrasje/ Gazetari: Qyteti bregdetar,

Vlora është cilësuar gjithmonë si një nga vatrat e nxehta të krimit, por pas 39 vjetësh është regjistruar plot një vit pa asnjë vrasje në qytetin bregdetar.

Pikërisht për këtë çështje ka reaguar këtë të premte gazetari vlonjat Enrik Mehmeti.

Ai përmend faktin se atentatet në qytetin bregdetar kanë qenë të pranishme në në çdo stinë, me forma e mënyra të ndryshme dhe shumica e rasteve kanë mbetur të pazbardhura.

Mehmeti deklaron se policia e Vlorës ka evidentuar 2 atentate pak ditë më parë, të cilat ishin planifikuar të zhvilluar me armë silenciator dhe eksploziv.

Gazetari thekson se fakti që në një vit nuk ka pasur asnjë vrasje në Vlorë, e nxjerr këtë qytet nga "harta e zezë".

“Sot është një ditë e shënuar për qytetin e Vlorës, diçka që nuk ka ndodhur kurrë në 39 vite. Sot Vlora mbush një vit pa asnjë atentat me viktimë ose të vrarë me armë. Gjatë verës së çdo viti të kaluar, apo edhe në dimër, atentatet apo vrasjet kanë qenë të pranishme, ku deri para 15 viteve mënyra më e përdorur e atentateve ka qënë nëpërmjet eksplozivit me shoë për të treguar forcën ndaj kundështarëve dhe më pas atentatet e mirëorganizuara dhe gati çdo herë vrasjet kanë ngelur të pa zbardhura. Pak ditë më parë nga ana e policisë së Vlorës janë evituar 2 atentate, një me armë silenciator dhe një tjetër me eksploziv, ku në të dy rastet janë arrestuar dhe autorët, (rrallëherë ka rastisur që të parandalohen vrasje dhe të kapen autorë gati për ekzekutim). Nëse do të kishin ndodhur këto dy atentate, do të ishte një njollë e zezë në sytë e turistëve të shumtë ku gati 90 përqind e tyre, vijnë për herë të parë në Shqipëri. Atentate apo vrasje do të ketë gjithmonë ashtu si në shumë vende të botës por plotësimi i një viti të plotë për herë të parë në 39 vite, pa viktimë atentati në forma të ndryshme apo vrasje me armë, e nxjerr Vlorën nga një "harta e zezë" dhe i jep shkëlqimin e Vlorës së Turizmit. Gjithashtu një menaxhim i mirë është bërë dhe në pjesën detare ku kontrolli i rreptë përgjatë gjithë bregut me mijra masa të ndryshme për mjetet ujore që thyenin perimetrin e sigurisë dhe shkelje të tjera, bëri që turistët të gjenin një qytet ku rregullat zbatohen si çdo qytet turistik Europian”, shkruan ndër të tjera Enrik Mehmeti./ CNA





Lajmet e fundit nga