LEXO PA REKLAMA!

SHKARKO APP

Mitsotakis, ftesë liderëve të Ballkanit Perëndimor dhe të BE-së/ Shqipëria dhe Sllovenia refuzojnë

18 Gusht 2023, 14:53, Aktualitet CNA

Mitsotakis, ftesë liderëve të Ballkanit Perëndimor dhe

Kryeministri grek Kyriakos Mitsotakis ka ftuar liderët e Ballkanit Perëndimor dhe të BE-së në një darkë joformale, e cila do të mbahet të hënën në datë 21 në Pallatin Maximo. Mediat greke bëjnë me dije se gjatë mbledhjes do të diskutohet për zgjerimin dhe të ardhmen europiane të rajonit.

Ftesës i janë përgjigjur pozitivisht Presidentja e Komisionit Evropian Ursula von der Leyen dhe Presidenti i Këshillit Evropian, Charles Michel, Presidenti i Serbisë Aleksandar Vuçiq, i Malit të Zi Jakov Milatovic, kryeministri i Maqedonisë së Veriut Dimitar Kovaçeski, i Kosovës Albin Kurti, Presidenti i Këshillit të Ministrave të Bosnjës dhe Hercegovinës, Borjana.

Sipas mediave greke Shqipëria dhe Sllovenia kanë refuzuar të jenë pjesë e darkës.

Shqipëria, e ftuar në nivel presidenti, nuk do të përfaqësohet, ndërsa lideri i Sllovenisë nuk ka mundur të përgjigjet pozitivisht.

Në diskutim do të marrin pjesë edhe liderët e vendeve të rajonit që janë anëtare të BE-së, Kryeministri i Bullgarisë Nikolai Denkov, i Kroacisë Andrej Plenkoviq, i Rumanisë Ion-Marcel Ciolacu./ CNA

Lajmet e fundit nga