LEXO PA REKLAMA!

SHKARKO APP

Një natë për të mos u humbur!/ Festa e Birrës sjell sonte hitet më të mira të viteve '90

18 Gusht 2023, 20:00, Aktualitet CNA
Një natë për të mos u humbur!/ Festa e Birrës sjell
Foto nga nata e parë e Festës së Birrës

Prej dy ditësh ka startuar Festa e Birrës në Korçë, e cila ashtu si vitet tjera, ka shënuar një rritje të ndjekësve të kësaj feste më të madhe verore në Shqipëri.

Siç edhe u njoftua nga kryebashkiaku Sotiraq Filo, të gjitha hotelet në Korçë dhe në zonat përreth janë prenotuar.

Kjo për shkak të energjisë elektrizuese që artistët kanë përcjellë në Festën e Birrës.

Në shoqërinë e një muzike të mirë, ushqimeve tradicionale dhe markave të ndryshme të birrave, atmosfera ka qenë e magjishme.

Në këtë natë të tretë të Festës së Birrës premtohet gjithashtu një spektakël i jashtëzakonshëm që nuk duhet humbur.

Kjo natë e tretë do të sjellë në Korçë disa nga artistët më të pëlqyer ndërkombëtarë që do të përcjellin atmosferën e viteve ’90.

Në skenën e Festës së Birrës sonte do të ngjiten grupet “Seven of Hearts”, “No Mercy”, “La Bouche” dhe “Ad Disha Hearts”.

Ka mbetur vetëm pak, një festë birre për të mos u humbur./ CNA

Lajmet e fundit nga