LEXO PA REKLAMA!

SHKARKO APP

Inceneratorët/ Fierin dhe Elbasanin i bëri Ahmetaj, po pronari i Tiranës kush është?

29 Gusht 2023, 08:33, Editorial CNA
Inceneratorët/ Fierin dhe Elbasanin i bëri Ahmetaj, po pronari i
Foto ilustruese

Mediat e paguara nga inceneratorët vazhdojnë të krijojnë disa teza në lidhje me këtë aferë. Edhe pse për shumë vite na kanë thënë se inceneratorët ishin investimi i duhur dhe nuk e pranonin korrupsionin e vjedhjen, tashmë kanë filluar të dalin me teza të reja.

Por çdo tezë e tyre thjesht dhe vetëm i zhyt më thellë. Zhyt më thellë skenaristët që udhëtojnë në Vjenë, takojnë Mirel Mërtirin dhe paguajnë për propagandë, por kjo nuk ka shumë rëndësi.

Nën hetim nga prokuroria, nën hetim nga SPAK-u, të faktuar me transferta bankare për pagesat për ta dhe familjarët e tyre nga inceneratorët, gjithçka është thjesht çështje kohe e drejtësisë.

Le t’i shohim faktet.

Sipas mediave të paguara nga inceneratorët e zërave të Mirel Mërtirit, që dje merrnin miliona në godinën e "Top Channel" dhe akuzonin njëri-tjetrin për gjobaxhinj, inceneratorin e Elbasanit e ka bërë Arben Ahmetaj me shokët e tij, Mirel Mërtirin, që del “truri” i inceneratorëve, sipas SPAK-ut, Klodian Zoton, dhe bashkëjetuesen e Mirelit, Stela Gugallja.

Inceneratorët/ Fierin dhe Elbasanin i bëri Ahmetaj, po pronari i
Foto ilustruese

Këta dy të fundit aktualisht ndodhen në Vjenë, ku presin vendimin e gjykatës për t’u ekstraduar në Shqipëri. Klodian Zoto është në kërkim ndërkombëtar.

Inceneratori i Tiranës, jetim

Më vonë, kur u bë inceneratori i Tiranës, sipas gjobaxhinjve nën hetim nga prokuroria e SPAK-ut, këta ishin prishur me njëri-tjetrin dhe Tigri punoi kundër Tiranës, kjo është teza që përdorin për propagandë në publik gjakprishurit mediatikë.  

Në Fier dhe Elbasan ishin bashkë, kurse në Tiranë nuk janë bashkë, sepse u prishën dhe Tigri u doli kundër, siç janë dhe disa raste të vendimeve të qeverisë që janë publikuar apo dhe janë gjetur edhe nga SPAK-u.

Për këto dije SPAK duhet t’i pyesë, pasi kanë humbur dhe statusin e gazetarit, por janë në rolin e kallëzuesit dhe personit në dijeni, por kjo është çështja e tyre ligjore dhe atyre që i përdorin për kocka dhe i përplasin me dyert e drejtësisë.

Jetim inceneratori?

Tani lind pyetja, do ta marrim të mirëqenë faktin që këta i kanë bërë bashkë me Arben Ahmetajn e pastaj u zunë edhe te Tirana? Ahmetaj ishte te të parat, nuk është te Tirana, shumë mirë.  

Inceneratorët/ Fierin dhe Elbasanin i bëri Ahmetaj, po pronari i

Mund të na thonë këto media të Rilindjes dhe të paguara nga inceneratorët, që meqenëse Ahmetaj nuk na qenka te Tirana aksioner apo bashkëpunëtor, po është me këtë grupin kriminal të Fierit apo Elbasanit, KUSH është pronari i inceneratorit të Tiranës?

A mundemi ta dëgjojmë këtë nga mediat e Rilindjes, nga mediat e Mirel Mërtirit? Nga mediat e ortakërisë së Mirel Mërtirit?

Kush është pronari i inceneratorit të Tiranës?

Sepse zërat zyrtarë mediatikë të inceneratorëve na thonë që Arben Ahmetaj nuk ka lidhje te Tirana. Ata u zunë dhe qe vetëm në pjesën e parë dhe nuk ka punë te pjesa e dytë. Sepse dhe hajdutërinë e ndajnë me pjesë, seria e parë Elbasani, seria e dytë Fieri dhe epilogu Tirana.

Tani një pyetje lind thjeshtë, sërish pa përgjigje: "Kush është pronari te pjesa e tretë"? Kuptohet, sipas kësaj bande mediatike që krijon kakofoni për të shpëtuar disa hajdutë, të cilët po zhysin edhe më thellë bandën e tyre, por edhe kjo do edhe pak kohën e vet sa t'i lëshojnë si të tjerët.

Në dokumentet e SPAK-ut aksionerët kanë folur dhe janë deklaruar nën përgjegjësi ligjore. Mjafton të lexojmë dokumentet sipas aktakuzës së çuar nga SPAK-u në GJKKO, ku thuhet qartë se pronarët e inceneratorëve që dalin me emra: Preseti, Tosi dhe Ciaffaglione, deklarojnë se dy të parët i kanë marrë këto aksione të fjetura për të siguruar financimin dhe Ciaffaglione i ka pasur të dhuruara për shkak të kapaciteteve të tij teknike.

Jo vetëm del fakti që këta nuk janë aksionerë të vërtetë, por del dhe fakti që është mashtruar qeveria. Pra, kompania koncesionare në fillim nuk i ka pasur paratë për të bërë investimin, por janë futur këta njerëz nga persona të tjerë. Lind sërish pyetja: as Preseti, as Tosi dhe as Ciaffaglione nuk janë aksionerët e vërtetë?

Arben Ahmetajn e përjashtojnë nga kjo mediat e inceneratorëve që na thonë se ka pasur pjesë vetëm te Fieri e Elbasani, por te Tirana doli kundër.

-Mund të thotë dikush se kush është aksioneri dhe pronari i vërtetë i inceneratorit të Tiranës që nuk i publikohet emri?

-Kush fshihet pas 20 për qind të aksioneve të padeklaruara? Sepse janë dy administratorë në qendër.

-Cilët janë emrat e vërtetë të aksionerëve?

-Pse këto media nuk përmendin Mirel Mërtirin?

-Në rast se nuk është Mirel Mërtiri, kush është pronar?

Shqiptarët nuk mund t’i gënjejë askush që një njeri i vetëm si Klodian Zoto, gënjeu gjithë shtetin. Jo, askush s’e pranon.

Inceneratorët/ Fierin dhe Elbasanin i bëri Ahmetaj, po pronari i

Mori një kontratë, e cila në 30 vite shkonte afro 1 miliard euro të ardhura. 300 milionë euro ishin të ardhurat nga shteti, u shtua Durrësi dhe mbetjet e tjera që vinin nga ndërtimi. Në një llogari, sipas atyre që ka vetë kompania, të ardhurat janë rreth 25 milionë euro në vit në një fitim prej 7 a 8 milionë eurosh në 2-3 vitet e fundit.

Me një aritmetikë të thjeshtë dhe me rritjen e numrit të popullsisë e me përllogaritjet që bëjnë ekspertët shkon rreth 1 miliard euro, në 30 vite të ardhura.

Pyetja është e thjeshtë:

Kush është pronari i këtij biznesi, i cili do të qarkullonte 1 miliard euro?

Këtë të na e thonë mediat e inceneratorëve, meqenëse e kanë përjashtuar Ahmetajn nga Tirana.

Kush është pronari i inceneratorit të Tiranës meqë nuk pranojnë Klodian Zoton e Mirel Mërtirin?

Se duket qartë që një skenar që po luan me stilin pas meje të bëhet qameti. Kështu po ndodh me politikanë, zyrtarë, gazetarë, media etj.

Inceneratorët/ Fierin dhe Elbasanin i bëri Ahmetaj, po pronari i

Tani ai thjesht po zhyt edhe më tej zyrtarët shqiptarë që ende komunikon në distancë apo mercenarët e paguar që në panik kërkojnë të shpëtojnë lëkurën.

Pritet ende përgjigje, jo për SPAK-un, se aty po mbaroni punë një e nga një, por për opinionin që po përpiqeni ta manipuloni dhe deri më sot dështuat me sukses.

Mireli nuk është pronari, sepse ju nuk e thoni dhe nuk e pranoni. Klodin nuk e beson dhe nuk e pranon kush se të gjithë e dinë që ishte ushtar. Arben Ahmetajn nuk e quajnë vetë te Tirana. Edhe një herë.

Kush është pronari i inceneratorit të Tiranës? A do ta thoni emrin e vërtetë? Kini kurajë!/ CNA

 

13:57 Editorial

SPAK FOREVER!

SPAK-u ka goditur sot një nga grupet më të fuqishme krimin...

13:14 Editorial

Gazetarët e Tigrit!

Është shumë e lexueshme tashmë strategjia e urdhëruar ...

Lajmet e fundit nga