web counter
LEXO PA REKLAMA!

SHKARKO APP

App Store
Google Play

E fundit!

x

Basha e pranon publikisht: Luftova për karrigen/ “Përgjërohet” për falje

2 Shtator 2023, 12:13, Politikë CNA

Basha e pranon publikisht: Luftova për karrigen/

Lulzim Basha e ka pranuar publikisht që ka luftuar për karrigen e tij personale gjatë kohës që ka qenë në krye të PD-së.

Sot në mbledhjen me "petritët" e tij, Basha është shprehur se në kohën që shqiptarët i kishin sytë nga opozita, ata po luftonin me njëri-tjetrin për karrige, mure dhe godina.

“Bashkëatdhetarët tanë e kanë humbur shpresën. Ata kthyen sytë nga qeveria por nuk shohin shpresë. Unë e di që i kthyen sytë nga ne, dhe pritën të bëheshim zëri i tyre.

Por ne luftuam njëri-tjetrin në vend që të luftonim për njerezit. Për ju.

Ne luftuam për mure dhe godina, në vend që të luftonim për shtëpitë e boshatisura të shqiptarëve. Për shtëpitë tuaja.

Në luftuam për karrike dhe zyra, në vend që të luftonim për vende pune për të rinjtë dhe të rejat tona. Për mirëqenien tuaj.

Ne ju lamë në mëshirën e një qeverie që i keqtrajton demokratët, i demotivon të rinjtë, i përçmon shqiptarët. Në mëshirën e një qeverie që ju abuzon përditë.

Do ishte e lehtë të bëja atë që bëjnë të tjerët prej vitesh, të hidhja fajin diku tjetër, të fajësoja këdo. Por kjo do të ishte hipokrizi. Do të ishte shtirje”, ka thënë Basha.

Më tej Luli Basha u është "përgjëruar" për falje demokratëve duke u siguruar atyre se këtë herë nuk po shtiret dhe në delir u premton se do ta kthejë partinë në alternativën e shqiptarëve.

“Nuk kam ardhur sot të shtirem para demokratëve. Sot, unë ju kërkoj ndjesë të thellë demokratëve, dhe në emër të demokratëve, në emër të Partisë Demokratike i kërkoj ndjesë shqiptarëve.

Arsyeja pse jemi këtu bashkë, arsyeja pse ekzistojmë si forcëpolitike është që tju shërbejmë njerëzve, jo vetes tonë! Qëllimi pse ekzistojmë është që tju ofrojmë shqiptarëve alternativë për qeverisjen e tyre, zgjidhje për problemet e tyre, rrugëdalje për hallet e tyre, vizion për të ardhmen e tyre. Dhe këto do të jenë udhërrëfyes i rrugës së re që nisim bashkë sot”, është shprehur ai./ CNA





Lajmet e fundit nga