web counter
LEXO PA REKLAMA!

SHKARKO APP

App Store
Google Play

E fundit!

x

Kthimi i eshtrave të Qazim Mulletit/ Berisha: Akti civil, ndjesë e merituar për familjarët e tij

30 Gusht 2023, 22:43, Politikë CNA
Kthimi i eshtrave të Qazim Mulletit/ Berisha: Akti civil, ndjesë e
Ish-kryeministri Sali Berisha

Ish-kryeministri Sali Berisha ka reaguar për kthimin e eshtrave në Shqipëri të Qazim Mulletit, ish-kryetarit të bashkisë së Tiranës.

Berisha e ka cilësuar kthimin e eshtrave si një akt civil e të drejtë, por edhe njëlloj ngushëllimi dhe ndjesë të merituar për familjarët e tij.

Ai deklaron se Qazim Mulleti ishte një intelektual i njohur, atdhetar, një antikomunist që arritit të fitojë respektin e qytetarëve të Tiranës dhe që mbrojti hebrenjtë nga gjahu nazist.

Deklrata e plotë:

Kthimi i eshtrave të Qazim Mulletit në Tiranë, një akt i merituar.

Të dashur miq, këto ditë u sollën nga Roma dhe u varrosën në Tiranë eshtrat e njërit prej intelektualëve dhe personalitetëve më të shquara të Tiranës së gjysmës së dytë të shekullit të kaluar, Qazim Mulleti.

Kthimi i eshtrave të Qazim Mulletit/ Berisha: Akti civil, ndjesë e

Pasardhës i një prej familjeve më të njohura të Tiranës, intelektual i njohur dhe atdhetar, Qazim Mulleti që në moshën e rinisë dhe në vazhdim mori pjesë dhe luajti rol aktiv në të gjitha ngjarjet e mëdha kombëtare. Ai si i ri ishte akitiv në Pavarësinë e Shqipërisë, përfaqësoi Tiranën në Kongresin e Lushnjës, mori pjesë si zyrtar i rëndësishm në funksione të ndryshme në qeveritë shqitare të viteve ‘20.

Qazim Mulleti ishte një antikomunist i vendosur gjatë viteve të pushtimit, ai në kundërshtim me rolin dhe qëndrimet atdhetare të tij dhe familjes, Mulleti pranoi emërimin Kryetar Bashkie dhe më pas Prefekt i Tiranës. Por ai arriti, ndonëse në vendin e gabuar e në kohën e gabuar, të fitojë respektin e qytetarëve të Tiranës dhe së bashku me zyrtar të lartë të tjerë të kohës, mbrojti hebrenjtë nga gjahu nazist. Pas lufte Qazim Mulleti jetoi në Romë, azilant politik, si kundërshtar i diktaturës komuniste. Për shkak të reputacionit të mirë që kishte tek qytetarët e Tiranës, regjimi i Enver Hoxhës ndërseu kundra tij kalemxhinjtë që me penën e tyre glorifikonin të keqen dhe i thurnin lavdi kasaphanës së luftës së klasave.

Kështu përveç kalvarit që përjetuan në kampet e përqendrimit, familjarët e tij të nderuar ju nënshtruan një terrori psikologjik publik të pashembullt gjatë gjithë viteve të diktaturës me komedinë famëkeqe “Prefekti”.

Kthimi i eshtrave të Qazim Mulletit në qytetin që i sherbeu me ndershmëri dhe përkushtim ishte një akt civil dhe i drejtë, por edhe njëlloj ngushëllimi dhe ndjese e merituar për familjarët e tij fisnik. #sb/ CNA





Lajmet e fundit nga