LEXO PA REKLAMA!

SHKARKO APP

Eshtrat e Qazim Mulletit do të prehen në atdhe

28 Gusht 2023, 12:51, Aktualitet CNA

Eshtrat e Qazim Mulletit do të prehen në atdhe

Eshtrat e Qazim Mulletit, ish-prefektit të Tiranës do të prehen në atdhe.

Arkëmorti mbërrti mëngjesin e së premtes nga Roma në Portin e Durrësit përmes një trageti të linjës.

Nga ora 09.00 deri në 12.30 janë zhvilluar homazhe në shtëpinë funerale "Alba 2000".

Mbesa dhe nipi i ish-prefektit të Tiranës janë shprehur se këtë moment e kanë dashur prej një jete.

Më herët ishte Shoqata "Tirona Intellectum", e cila njoftoi se eshtrat e Qazim Mulletit do të ktheheshin në atdhe.

“Lajmi i shumëprit për komunitetin tironas: më në fund eshtrat e Qazim Mulletit kthehen në atdhe! Ish Prefekti i Tironës, te cilin regjimi komunist e perbalti aq shume dhe i persekutoi egërsisht familjen, me ne fund do prehet ne Tironen e tij te dashur! Kthimi i eshtrave në atdhe është jo vetëm nje akt human për një njeri që prej dekadash nuk kishte një varr (10 vjet pas vitit 1956 kur vdiq në Itali, eshtrat i tij dergjeshin në magazinën e nje varreze te një qytezë në periferi të Romës), por edhe nje detyrim moral për ti dhënë vendin e nderum dhe sic i takon, këtij tironasi të shquar dhe të mirë! Nderim per te gjithe ata qe kontribuan ne realizimin e ketij misioni fisnik! Shoqata 'Tirona Intellectum' është krenare për kontributin e dhënë në mbrojtjen dhe lartësimin e figurës së Qazim Mulletit, si një figurë e shquar patriotike, intelektuale dhe politike e komunitetit tironas, përfshi prononcimin dhe sensibilizimin e opinionit publik, mediave dhe politikës për skandalin e komedisë 'Prefekti' dy vjet më parë, si rezultat i së cilës Teatri Kombëtar pezulloi shfaqjen! Mirë se vjen në Tironën që e deshe aq shumë Qazim Mulleti, te qofte i lehte dheu i vendit tend!”/ CNA

Lajmet e fundit nga