web counter
LEXO PA REKLAMA!

SHKARKO APP

App Store
Google Play

E fundit!

x

Mbërrijnë në Shqipëri eshtrat e prefektit Qazim Mulleti/ “Më në fund do të prehet në Tironën e tij të dashur”

25 Gusht 2023, 10:35, Aktualitet CNA

Mbërrijnë në Shqipëri eshtrat e prefektit Qazim Mulleti/

Sot në Shqipëri kanë mbërritur eshtrat e prefektit të Tiranës, Qazim Mulleti.

Familja Mulleti e ka shpjeguar në një letër të hapur të gjithë procesin edhe falënderimet dhe mirënjohjen për të gjithë kontribuuesit.

Në letër, familja Mulleti tregon se ky moment u arrit pas shumë përpjekjeve të vazhdueshme.

Më në fund, Qazim Mulleti do të prehet në "Tironën" e tij të dashur, pranë bashkëshortes zj. Hajrie Mulleti (Kusi) dhe djalit të tij, me të cilët kaloi aq pak vite në jetën e përkohshme të kësaj bote për shkak të angazhimit të tij politik dhe qytetar për një Shqipëri etnike, republikane dhe me orientim qartësisht perëndimor.

Detajet e ceremonisë së varrimit, e cila përkon edhe me 67-vjetorin e vdekjes së Qazim Mulletit në Rocca di Papa/Romë, janë si më poshtë:

E hënë, 28 gusht 2023

09:00-12:30: Homazhet dhe vizitat në Shtëpinë Funerale “ALBA 2000”

Adresa: Rruga e Dibrës, nr. 302, Tiranë

13:00: Kryerja e riteve fetare në xhaminë e “Kokonozit”, Pazari i Ri, Tiranë

14:00: Ceremonia e varrimit në varrezat e Shish-Tufinës.

"Në emër të familjes sonë, dëshiroj t’ju njoftoj që pas përpjekjeve të vazhdueshme, u bë e mundur sjellja në atdhe e eshtrave të z. Qazim Mulleti. Ndihemi të lehtësuar shpirtërisht, pasi jo vetëm sollëm në vend amanetin e vetë djalit të tij të vetëm z. Reshit Mulleti, por realizuam edhe një dëshirë të kahershme të familjes, si dhe të të gjithë qytetarëve të Tiranës e më gjerë që e nderuan dhe respektuan figurën e Qazim Mulletit ndër vite, madje edhe gjatë regjimit diktatorial komunist.

Detajet e ceremonisë së varrimit, e cila përkon edhe me 67-vjetorin e vdekjes së Qazim Mulletit në Rocca di Papa/Romë, janë si më poshtë:

E hënë, 28 gusht 2023

09:00-12:30: Homazhet dhe vizitat në Shtëpinë Funerale “ALBA 2000”

Adresa: Rruga e Dibrës, nr. 302, Tiranë

13:00: Kryerja e riteve fetare në xhaminë e “Kokonozit”, Pazari i ri, Tiranë

14:00: Ceremonia e varrimit në varrezat e Shish-Tufinës.

Më në fund, Qazim Mulleti do të prehet në Tironën e tij të dashur, pranë bashkëshortes zj. Hajrie Mulleti (Kusi) dhe djalit të tij, me të cilët kaloi aq pak vite në jetën e përkohshme të kësaj bote për shkak të angazhimit të tij politik dhe qytetar për një Shqipëri etnike, republikane dhe me orientim qartësisht perëndimor.

Një falenderim i veçantë shkon për drejtuesit e Shtëpisë Funerale “ALBA 2000” Sherbime Funerale Alba 2000 Tirane që bënë të mundur ndjekjen dhe finalizimin e procedurave tekniko-ligjore për riatdhesimin e eshtrave nga varrezat e Rocca di Papa në Romë, i cili për hir të së vërtetës, nuk ishte një proces i lehtë.

Shprehim gjithashtu mirënjohjen për shoqatat Shoqata Tirana, Shoqata "Tirona Intellectum" dhe Shoqnia Tirona Autoktone, si dhe çdo mbështetës, për të gjithë angazhimin dhe aktivitetin e tyre ndër vite në nderim të figurës dhe veprës së Qazim Mulletit.

Së fundmi, por jo për nga rëndësia, shprehim falenderimet për finalizimin e këtij procesi dhe organizimin e ceremonive të rastit të gjithë kontribuesit si Akademia e Studimeve Shqiptare, historianë, diplomatë, klerikë, politikanë, artistë etj., duke veçuar ndër ta, juristin e njohur dhe intelektualin tironas, z. Shkëlqim Hajdari, për koordinimin e punës në realizimin e këtij procesi të gjatë.Me respekt, Familja Mulleti", shkruhet në letrën e familjes Mulleti. 

Ish ministri Arben Tafaj e ka quajtur këtë një moment historik për Tiranën dhe gjithë Shqipërinë.

“MOMENT  HISTORIK  PER TIRONEN  DHE  GJITHE SHQIPERINE

Nen kujdesin e familjes se nderuar Mulleti dhe te nje grupi organizator, mberrijne ne Atdhe arkmorti me eshtrat e nacionalistit dhe veprimtarit politik Qazim Bej Mulleti.

I lumtur te perjetoj keto çaste historike qe jane frut i perpjekjeve te gjata per  kthimin ne atdhe te eshtrave te nacionalistit,veprimtarit politik,  kontribuesit  te  ndertimit te shtetit modern shqiptar dhe Tiranes bashkekohore, humanistit  dhe burrit te pergjegjesive te medha,Tiranasit fisnik, Qazim Bej Mulleti”, shkruan Tafaj./ CNA





Lajmet e fundit nga