web counter
LEXO PA REKLAMA!

SHKARKO APP

App Store
Google Play

E fundit!

x

Vjedhja e të dhënave të TIMS/ Strazimiri: Shteti në shërbim të krimit

24 Gusht 2023, 18:42, Aktualitet CNA
Vjedhja e të dhënave të TIMS/ Strazimiri: Shteti në
Gent Strazimiri

Anëtari i Kryesisë së Partisë Demokratike, Gent Strazimiri ka folur mbi vjedhjen e të dhënave të sistemit TIMS.

Në një intervistë, Strazimiri është shprehur se shteti është në shërbim të krimit dhe fakti i rëndë është në këtë krim janë të përfshirë dhe oficerë policie.

Ky rast tregon jo vetëm se është një shtet i kriminalizuar por edhe shkallën e kapilarizimit të krimit në skutat më sensitive dhë më të ruajtura të këtj shteti.

“Ky shembull tregon se shteti është i gjithi në shërbim të krimit, është një krim i rëndë fakti që brenda për brenda policisë, oficerë policie që kanë përdetyrë të ruajnë të dhënat sensitive të qytetarëve të marrin një usb dhe të shpërndajnë ofertuesit më të mirë, që përgjithësisht është krimi.

Unë mendoj se ky rast na tregon jo vetëm se ky është një shtet i kriminalizuar por na tregon shkallën e kapilarizimit të krimit në skutat më sensitive dhë më të ruajtura të këtj shteti. Jemi i vetmi vend në botë që kemi prej 8 vitesh në fuqi një ligj që quhet ligji i dekriminalizimit.

Kemi patur nevojë të dekriminalizohemi, është viti 2014 -2015 kur kishim 21 deputetë të kriminaliuzar në parlament të gjithë pjesë e mazhorancës të kandiduar nga ai.

Në atë kohë unë kam qenë një nga shkruesit e ligjit, ashtu si dhe nga kërkuesit dhe mbrojtësit e ligjit dhe mbaj mend që asnje ligj i ngjashëm në gjithë rruzullin nuk bënte për të shëndoshur situatën në të cilën ndodhesim. Pse? Sepse çdo ligj bëhet për të ruajtur presionin që vjen nga poshte dhe ajo çfarë ndodhte në rastin tonë është se ne nuk kishim një presion nga poshtë, presioni ishte i gjithi nga lart.

Ishte vetë kryeministri qe reklamonte persona që vinin nga bota e krimit dhe i kandidonte në një mënyrë që të mbyste mundësinë për të zgjedhur dhe të asgjësonte votën që tashmë dihet”, ka thënë Strazimiri. / CNA





Lajmet e fundit nga