web counter
LEXO PA REKLAMA!

SHKARKO APP

App Store
Google Play

E fundit!

x

Erdhën për pushime dhe gjetën banesat e bastisura/ Emigrantët protestë në Kavajë: Mbi 300 shtëpi janë bërë akull

24 Gusht 2023, 18:13, Aktualitet CNA

Erdhën për pushime dhe gjetën banesat e bastisura/

Një grup emigrantësh shqiptarë të sapo ardhur në vend për pushime janë ngritur në protestë ditën e sotme për të shprehur pakënqësinë dhe revoltën e tyre kundrejt punës së policisë pasi kanë konstatuar se banesat e tyre janë bastisur dhe vjedhur nga hajdutët.

Protesta është zhvilluar në fshatin Synej të Kavajës.

“Këtu është bo nami. Këtu janë vjedh shpiat të gjitha, janë shkatërruar njerëzit po flenë njerëzit me stres. Kam dy javë që kam ardhur nuk kam pa asnjë polici natën”, ka deklaruar për mediat një nga emigrantët protestues.

“Dy herë më kanë hyrë në shtëpi natën që isha jashtë. Kam ardhur tani në oborr të shtëpisë para, prap tentuan me u fut Brenda. Tani ky shtet po më detyron të marr kallashin e ta zgjidh vetë këtë punë. Po më detyron të bëhem vrasës se nuk ka hall këtu që zgjidhet.”

“Janë vjedhur 5 palë shpi brenda ditës”

Po ashtu, ata janë shprehur se banesat janë vjedhur masivisht gjatë muajve të fundit.

‘Kemi marrë policinë në telefon dhe na janë përgjigjur nuk kemi çfarë ju bëjmë. Nuk e vranë mendjen fare. Prezantohen vetëm kur vijnë votimet, prezantohen vetëm për të vënë gjobën. Kur ka hajduta kur ka problem këto nuk duken fare.”

“Shkoj në shpi dhe flej në tokë. Ato lecka që i kam vu në shpi jam torturuar me punë që i kam bo. Ti vjen mi vjedh. Çfarë është kjo kështu. Ka shtet apo nuk ka shtet. Atëherë kush e ka fajin këtu. Unë e them me bindje se këto 4-5 kokrra që janë bashkëpunojnë me policinë.”

“Po bëhet nami. Janë mbi 300 shpi që janë bërë akull. Këtu polici s’ka këtu shtet s’ka.”

Këto kanë qënë disa nga deklaratat e protestuesve, të cilët kërkojnë zgjidhje dhe mbrojtje nga organet e Policisë së Shtetit.

Policia e Kavajës ka deklaruar se gjatë 8 muajve të këtij viti janë regjistruar 20 vjedhje në këtë fshat, nga të cilat 11 raste janë zbardhur./CNA

 





Lajmet e fundit nga