E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Shkroi artikull për çështjen “Beleri”/ Rama nuk kursehet me gazetarin grek, i shkruan privatisht

24 Gusht 2023, 17:27, Aktualitet CNA

Shkroi artikull për çështjen “Beleri”/ Rama nuk

Kryeministri Edi Rama duket se ka zgjedhur të mos tregohet indiferent ndaj mediave greke në lidhje me shkrimet e tyre për çështjen e Fredi Belerit.

Disa ditë më parë nga gazetari grek Pavlos Papadoupolos, publikoi një shkrim tek e përditshmja ‘Kathemerini’ me titull “Lëreni Belerin të betohet”.

Rama nuk ka anashkaluar këtë artikull duke reaguar në një mënyrë të pazakontë dhe të veçantë.

Kryeministri shqiptar i ka shkruar personalisht gazetarit grek duke kërkuar një ballafaqim me këtë të fundit për të shpalosur versionin e tij të ngjarjes me anë të fakteve.

‘Nuk u kujdeset që të paktën të më pyesnit për anën time në këtë proces. Pastaj të publikonit faktet e shtrembëruara apo të fabrikuara.’- i shkruan Rama gazetarit.

Gazetari grek i befasuar nga një mesazh i tillë ku dërgues ishte një kryeministër, është bërë skeptik në lidhje me identitetin e vërtetë të tekstshkruesit duke i kërkuar një mënyrë Ramës të vërtetojë se ai është realisht autori i mesazhit.

Kryeministri Rama nuk ka hezituar për t’I vërtetuar gazetarit grek autorësinë e mesazhit duke i dërguar një video të tijën.

“Po, unë jam më shumë sesa i lumtur që të flas me ju mbi çështjen ‘’Beleri’’, gjithësesi është shumë e pazakonshme që një kryeministër të kontaktojë direkt një gazetar të huaj, që nuk e ka njohur më parë, nga telefoni i tij, te telefoni i këtij të fundit. Atëherë, më lejoni të dyshoj nëse ju jeni vërtet Edi Rama, nëse ju jeni vërtet ai, atëherë unë e pranoj sfidën dhe jam i sigurtë që ‘Kathimerini’ do të jetë e lumtur të organizojë dhe të publikojë një intervistë me ju, ku të gjitha argumentat tuaja do të mbulohen plotësisht dhe lirisht për publikun grek.

Që të jem i sinqertë, me një lider si ju, unë jam i tunduar të kërkoj një takim në Facetime dhe do më pëlqente të vendosja një komunikim direkt me ju dhe gjithashtu do t’iu kërkoja një ditë për të qenë plotësisht i përgatitur, por më lejoni fillimisht të flas lidhur me këtë me botuesin dhe të rikthehem tek ju. Duhet ta informoj atë më parë. Po jam dakord. Unë do t’iu dërgoj ju intervistën e zbardhur që ju të aprovoni fjalët tuaja dhe sigurisht, kur ta kemi të aprovuar prej jush zbardhjen, ne mund të informojmë lexuesit edhe për këtë mënyrë speciale tuajën për të na u qasur dhe për të folur me publikun.”- i përgjigjet gazetari grek.

Rama ka publikuar në rrjetin e tij social "Facebook" bisedën e plotë me gazetarin grek./CNA