web counter
LEXO PA REKLAMA!

SHKARKO APP

App Store
Google Play

E fundit!

x

Skandali me koncesionin e sterilizimit/ Alimehmeti: Abuzim i madh, operacionet janë me limite

24 Gusht 2023, 17:47, Aktualitet CNA

Skandali me koncesionin e sterilizimit/ Alimehmeti: Abuzim i madh, operacionet

Mjeku Ilir Alimehmeti ka folur në lidhje me skandalin e koncesionit të sterilizimit.

Në një intervistë për mediat, Alimehemti është shprehur se reduktimi i operacioneve është e pamendueshme që të ndodhë në sistemin sistemin shëndetësor por që fatkeqësisht ndodh në Shqipëri.

Kur flitet për koncesion, Alimehti thotë se ka një abuzim të madh me financat pasi nga këto koncesione u hapet rruga dhe të tjera koncesioneve në vazhdim.

Mjeku thekson se shëndeti nuk është i pari në Shqipëri por paratë që futen nëpër xhepat e atyre që shkelin ligjet.  

"Reduktimi  operacioneve është e pamendueshme që të ndodhi në sistemin shëndetësor, por që fatkeqësisht kanë ndodhur në Shqipëri. Kur përmendet koncesion ne na shkon mendja në abuzim parash dhe financash, fatekeqësisht këto koncesione janë të parat që më pas u hapën rrugën koncesioneve të tjera.

Shëndeti nuk është i pari në shëndetësinë e vendit tonë pasi e para janë paratë që futen në xhepat e tyre. Kur flasim për koncensionet në shëndetësi ka një lloj abuzimi i cili ka një rëndese të madhe pasi ndikon jetën dhe shëndetin.

Kemi parë situata me sterilizimin dhe me urdhra zyrtarë të cilët ishin drejtues në shëndetësi për operacionet të cilët duhet të ishin me planifikim, rasti i Durrësit ishte më flagranti.

Pyetja është se çfarë ndodh nëse kemi një numër më të lartë nevojash për operacione, do të presin njerëzit apo do të lihen deri sa të humbin jetën.

Kjo situatë ka ndodhur vazhdimisht në të gjithë spitalet e vendit, neglizhenca në mjekësi është vepër penale, dhe kjo tani po bëhet me urdhër ku ngarkohen me përgjegjësi shefat e kirurgjisë, kirurgë dhe mjekët e tjerë ku në fakt ata janë aty për të shpëtuar jetën e qytetarëve dhe jo se çfarë ka bërë koncensionari. 

Mund të ketë nevojë që në operacion të hapen dy ose tre sete veglash pune pasi e kërkon operacioni dhe se numri i caktuar i operacioneve sjelle një skandal shumë të madh që nuk duhet të ndodhë kurrë në një vend”, është shprehur Alimehmeti./ CNA





Lajmet e fundit nga