Problemet me shërbimin/ Kompania "ONE Albania" del me njoftimin zyrtar

25 Gusht 2023, 07:54, Aktualitet CNA

Problemet me shërbimin/ Kompania "ONE Albania" del me njoftimin

Pas problemeve me shërbimin kompania "ONE Albania" ka reaguar zyrtarisht.

Në një njoftim zyrtar, "ONE Albania" deklaron se në orët e para të mëngjesit të ditës së djeshme ka pasur disa vështirësi në rrjet, që kanë prekur shërbimet e zërit dhe internetin në rrjetin 4G.

Kompania celulare bën me dije se ekipet janë angazhuar për të zgjidhur problemin, si dhe kanë kërkuar ndjesë për shqetësimet që u kanë shkaktuar abonentëve.

“I nderuar partner,

Ju njoftojmë se One Albania është përballur në orët e para të mëngjesit me disa vështirësi në rrjet të cilat mund tju kenë afektuar shërbimet e zërit dhe internetit në rrjetin 4G.

Duam t'ju sigurojmë se të gjithë ekipet tona kanë qenë plotësisht të angazhuara dhe të përkushtuara për zgjidhjen e problemeve, duke rikthyer shërbimin për të gjithë abonentët e prekur, në kohën më të shpejtë të mundshme.

Ju kërkojmë shumë ndjesë për çdo shqetësim që mund të ketë shkaktuar kjo situatë dhe duam të shprehim mirënjohjen tonë të përzemërt për durimin tuaj.

Për çdo pyetje ose sqarim, lutemi mos hezitoni të kontaktoni agjentin tuaj të dedikuar ose ekipin tonë të kujdesit ndaj biznesit në numrin 165.

Faleminderit për besimin!”, thuhet në njoftimin zyrtar të kompanisë "ONE Albania".

CNA mësoi një ditë më parë nga burime zyrtare pranë kompanisë "ONE Albania" se nuk kishte rënë i gjithë sistemi, por rrjeti 4G për shkak të disa përditësimeve që po bëheshin për të rritur cilësinë e shërbimit, i cili ka sjellë problematika.

Problematika ka patur me rrjetin 4G në zona të caktuara, pra jo në të gjithë Shqipërinë.

"One", probleme me shërbimin/ Gazetarët hedhin akuza, kompania po përditëson sistemet
24 Gusht, 10:57

Kujtojmë se kjo problematikë irritoi shumë abonentët, të cilët denoncuan se kjo nuk ishte hera e parë që hasnin të tilla situata dhe kjo situatë është kthyer në një shqetësim për ta./ CNA