E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Berisha nxjerr zbuluar Ramën/ "Po merr 100 milionë euro kredi për djegësit"

28 Gusht 2023, 12:42, Aktualitet CNA

Berisha nxjerr zbuluar Ramën/ "Po merr 100 milionë euro kredi

Ish-kryeministri Sali Berisha ka nxjerrë zbuluar kreun e qeverisë, Edi Rama.

Gjatë deklaratës për mediat, Berisha bëri me dije se Rama po merr një kredi prej 100 milionë eurosh për t’u rikthyer aty ku ishin në vitin 2013, te strategjia me landfille, veçim dhe riciklim.

Berisha është shprehur se dokumentet faktojnë se kjo është një e vërtetë dhe pasi qeveria ka vjedhur 200 milionë me djegësit, po detyrohen të kthehen tek ajo strategji, të cilën qeveria e mëparshme e hartoi me 4 milionë euro mbështetje nga Komisioni Evropian.

“Asnjë njeri nuk duhet të ketë iluzionin më të vogël se SKAP-i i partisë është jashtë çdo lloj mundësie që të kafshojë krerët e partisë të zhytur deri në vesh në aferën e djegësve.

Në këtë kontekst, do ishte e pafalshme për qytetarët, që përmbushjen e detyrave ta kërkojnë nga institucionet e kapura nga Edi Rama.

Dua të informoj se pasi kanë vjedhur mbi 200 milionë euro me djegësit, të cilët nuk ekzistojnë, Edi Rama po merr një kredi mbi 100 milionë euro, pikërisht për t’u rikthyer aty ku ishin në vitin 2013, te strategjia me landfille, veçim dhe riciklim.

Kur mediat publikuan këtë lajm, si një gënjeshtar ordiner, Edi Rama e quajti akt i një të marri, publikimin.

Por dokumentet faktojnë se kjo është një e vërtetë, dhe ne do njohim publikun që tregojnë se pasi kanë vjedhur 200 milionë me djegësit, detyrohen të kthehen tek ajo strategji, të cilin qeveria e mëparshme e hartoi me 4 milionë euro mbështetje nga Komisioni Evropian, dhe Edi Rama e dogji në mënyrë antiligjore me djegësit e tij që nuk ekzistojnë", tha Berisha.

Ish-kryeministri u ka bërë thirrje qytetarëve që të ngrihen kundër Ramës dhe qeverisë pasi nuk po ndalen me vjedhjet e përsëritura.

"U bëj thirrje qytetarëve që të ngrihemi ndaj këtij njeriu që nuk njeh normë, ligj, moral dhe nuk ndalet para vjedhjeve të përsëritura të pasurive të tyre”, tha Berisha./ CNA