web counter
LEXO PA REKLAMA!

SHKARKO APP

App Store
Google Play

E fundit!

x

Shuhet zjarri tek inceneratori i Elbasanit/ Ministri Peleshi jep detaje

28 Gusht 2023, 10:13, Aktualitet CNA

Shuhet zjarri tek inceneratori i Elbasanit/ Ministri Peleshi jep detaje

Ministri i Mbrojtjes, Niko Peleshi, ka bërë me dije se të shtata vatrat e zjarrit që janë regjisturar një ditë më parë janë shuar përfundimisht.

Gjithashtu sqaron se është shuar zjarri edhe te vendgrumbullimi i mbetjeve urbane në Elbasan.

Peleshi thotë se situata po monitorohet nga forcat zjarrfikëse të bashkisë së qytetit të Elbasanit dhe se të gjitha strukturat e mbrojtjes civile në nivel vendor dhe qendror mbeten në gatishmëri të plotë.

“Të shtata vatrat e zjarrit që ditën e djeshme përfshinë zona të ndryshme të vendit janë shuar dhe aktualisht nuk kemi asnjë vatër aktive në vend, pavarësisht temperaturave të larta.

Në fshatin Krastë, në Bashkinë e Krujës, të gjitha vatrat që ishin aktive janë shuar.

Puna intensive dhe angazhimi maksimal bënë të mundur shuarjen përfundimtare të flakëve edhe në vendgrumbullimin e mbetjeve urbane në Elbasan.

Situata po monitorohet nga forcat e zjarrfikëses së bashkisë së këtij qyteti.

Të gjithë strukturat e mbrojtjes civile në nivel vendor dhe qendror mbeten në gatishmëri të plotë”, bën me dije ministri Peleshi.

Kujtojmë se inceneratori i Elbasanit u përfshi nga flakët pasditen e së shtunës.

Grumbulli i plehrave u përfshi nga flakët dhe ende nuk është bërë me dije shkaku i zjarrit në vendgrumbullimin e mbetjeve në Elbasan. / CNA 

 





Lajmet e fundit nga