web counter
LEXO PA REKLAMA!

SHKARKO APP

App Store
Google Play

E fundit!

x

Sulmoi Belerin gjatë fushatës/ Rama: U tregova i ashpër, të papranueshme deklaratat për procesin e helenizimit

27 Gusht 2023, 11:25, Aktualitet CNA

Sulmoi Belerin gjatë fushatës/ Rama: U tregova i ashpër, të

Kryeministri Edi Rama tha se gjuha ofenduese që ka përdorur ndaj Belerit gjatë fushatës elektorale për kryetar bashkie lidhej me disa deklarata të bëra nga ana e tij që sipas Ramës janë të papranueshme.

Rama thotë se ai bëri disa deklarata shumë, shumë të papranueshme, të tilla si “do të çonte përpara procesin e ndërprerë të helenizimit të Himarës”.

Kryeministri u shpreh se një deklaratë e tillë është diçka që nuk mund të thuhet në Evropë, në këtë Evropë. Kjo vjen nga një e shkuar e errët dhe shumë e largët

Pjesë nga intervista:

Gazetari: Pse zgjodhët të sulmonit personalisht një kandidat për kryetar bashkie? E keni quajtur analfabet, maskara, të pafytyrë. Ju jeni, sigurisht, Kryeministri dhe duke marrë parasysh rolin dhe pozicionin tuaj, a ishte ndërhyrja juaj një thirrje për institucionet, për policinë dhe gjyqësorin, për ta veçuar, për ta vënë në shënjestër këtë kandidat?

“Mirë, faleminderit për pyetjen. Para së gjithash, siç e thashë, ndonjëherë, në politikë, mund të thuash gjëra për të cilat nuk je krenar dhe në këtë fushatë, po, kam thënë disa gjëra për të cilat realisht nuk ndihem mirë, por nuk ndihem mirë, sepse kjo u lidh me atë që ndodhi, që nuk ka fare lidhje, fare. Arsyeja pse u tregova i ashpër me të ishte se ai bëri disa deklarata shumë, shumë të papranueshme, të tilla si 'do të çonte përpara procesin e ndërprerë të helenizimit të Himarës'. Kjo është diçka që nuk mund të thuhet në Evropë, në këtë Evropë. Kjo vjen nga një e shkuar e errët dhe shumë e largët. Pastaj, sigurisht, edhe të tjera që nuk ishin realisht aspak të mira. Fliste sikur ishte atje për të çliruar Himarën, nuk e di prej kujt, po mund të flasim për këtë. Sidoqoftë, po ju bëj një pyetje retorike: 'Nëse unë do të kisha dijeni që kishte një hetim të nisur nga denoncimi i dikujt dhe të angazhuar nga prokuroria, do ta ekspozoja veten me një gjuhë kaq të ashpër? Po ta dija që ai do të arrestohej, do ta ekspozoja veten me një gjuhë kaq të drejtpërdrejtë? Mendoj që, jo, sepse mund të mos jem njeriu më i mençur në botë, por nuk jam edhe më budallai në botë dhe ky do të ishte një budallallëk i madh. Arrestimin e tij e mora vesh kur policia ishte vënë në veprim dhe telefonova drejtorin e policisë e i thashë: 'Çfarë është kjo?' Më tha: 'Kemi një mandat arresti nga prokuroria dhe bazohet mbi prova bindëse për blerje votash'. I thashë: 'Dëgjo, bëni mirë të jeni të sigurt për atë që po bëni, sepse kjo mund të marrë shumë për keq dhe duhet të mbështetet mbi prova bindëse. Megjithatë paçi fat'. Kjo nuk ishte diçka në të cilën isha i përfshirë, aksioni po zhvillohej tashmë. Tani, më bëni pyetjen tjetër.”/ CNA





Lajmet e fundit nga