web counter
LEXO PA REKLAMA!

SHKARKO APP

App Store
Google Play

E fundit!

x

Çështja "Beleri" dhe qëndrimi i shtetit grek/ Rama: Nuk është kjo mënyra për të vepruar

27 Gusht 2023, 10:21, Aktualitet CNA

Çështja "Beleri" dhe qëndrimi i shtetit grek/ Rama:

Kryeministri Edi Rama në një intervistë të dhënë ditën e sotme për prestigjiozen greke ‘Kathemerini’ ka folur edhe një herë lidhur me marrëdhëniet me Greqinë dhe mungesën e ftesës në takimin informal të organizuar nga Mitsotakis.

Rama tha se nuk e merr personalisht një veprim të tillë.

Sipas tij dihet se një veprim i tillë ka të bëjë me çështjen "Beleri", por sipas Ramës nuk është kjo mënyra për të vepruar.

Pjesë nga intervista:

Gazetari: A u ndiet i ofenduar personalisht që nuk u ftuat në darkën e organizuar nga Mitsotakis me vendet e Ballkanit Perëndimor? Ju treguat se do të jetë i ftuar në samitin e tetorit në Tiranë. Çfarë tjetër doni t'i thoni kryeministrit Mitsotakis?

“Së pari kam mësuar gjatë gjithë rrugëtimit të jetës që të ndihesh personalisht i ofenduar nuk është një gjë që të bën të jetosh mirë. Kurrë nuk e marr personalisht kur ka të bëjë me politikën. Tek e fundit politika është një bishë e rrezikshme. Mund të të hedhë poshtë dhe të të bëjnë të thuash gjëra që nuk do t'i thoje. Nuk jam i ofenduar personalisht.  Mendoj që qëllimi i takimit lidhet me diçka shumë të madhe, shumë të madhe, me dërgimin e një mesazhi për mua për shqiptarët? Për çfarë? Çfarëdo rëndësie t'i japë pala greke kësaj çështjeje që e dimë të gjithë se me çfarë ka të bëjë nuk është kjo mënyra për të vepruar. Kur ndodhin gjëra të pakëndshme mes miqve ,miqtë duhet të flasin e të përballen”, tha Rama./ CNA





Lajmet e fundit nga