web counter
LEXO PA REKLAMA!

SHKARKO APP

App Store
Google Play

Balla i prerë: Veshi i shurdhët nuk do të lejohet më, duhet të fitojmë besimin e publikut

26 Gusht 2023, 16:33, Aktualitet CNA

Balla i prerë: Veshi i shurdhët nuk do të lejohet më, duhet

Ministri i Brendshëm, Taulant Balla është shprehur ditën e sotme se komunikimi mes qytetarëve dhe Policisë së Shtetit po përmirësohet.

Përmes një postimi në rrjetet sociale, Balla deklaron se çdo ankesë, çdo denoncim, po ndiqet me kujdes, sepse sipas tij në këtë mënyrë duhet të ringjallet dhe forcohet besimi i publikut në Policinë e Shtetit.

Ndër të tjera, ai është shprehur falenderues për dhjetëra qytetarë të cilët kanë raportuar raste apo paraqitur ankesa për veprime të paligjshme që bien ndesh me Kodin Etik në Policinë e Shtetit dhe si pasojë në bazë të këtyre raportimeve/ankesave janë ndëshkuar shumë punonjës policie.

“Komunikimi me publikun i Policisë së Shtetit po përmirësohet. Mos harrojmë asnjëherë se publiku është partneri ynë i pazëvendësueshëm në mbrojtjen e vendit dhe të çdo individi, nga çdo lloj paligjshmërie, që nga korrupsioni dhe krimi i organizuar, tek krimi ordiner dhe deri tek krimi ndaj pronës publike e private. Veshi i shurdhër dhe syri qorr i një polici, heshtja bashkëfajtore me të fortët e lagjes dhe mosreagimi i forcave të rendit ndaj denoncimeve të qytetarëve, janë rreshtim i policisë kundër tyre, kundër shtetit. Prandaj çdo ankesë, çdo denoncim, po ndiqet me shumë kujdes, sepse për mua seicila prej tyre është një gur në murin e madh të besimit që duhet të ringrihet për Policinë e Shtetit.

Falenderoj dhjetëra qytetarë të cilët kanë raportuar plot raste apo paraqitur ankesa për veprime të dyshuara të paligjshme apo që bien ndesh me Kodin Etik në Policinë e Shtetit. Në një kohë të shkurtër kemi, në bazë të këtyre raportimeve/ankesave, punonjës policie të arrestuar, sikurse kemi edhe të përjashtuar për shkelje të normave etike.”-shkruan Balla./CNA





Lajmet e fundit nga