web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhje të reja në Himarë? Rama: Rast i paprecedent, procedura është kështu

27 Gusht 2023, 11:09, Aktualitet CNA

Zgjedhje të reja në Himarë? Rama: Rast i paprecedent, procedura

Kryeministri Edi Rama në një intervistë të dhënë ditën e sotme për ‘Kathemerini’ ka folur lidhur me çështjen "Beleri". Ai është pyetur nga gazetari nëse do të mbahen zgjedhje sërish në Himarë.                       

Gazetari: Zoti kryeministër, çfarë do të bëni? Do të shpallni zgjedhje të reja në Himarë?

“E para, le të themi se në Shqipëri nuk është qeveria që shpall zgjedhje, por Presidenti. Gjithsesi, procedura është kështu, nëse kryebashkiaku i zgjedhur nuk shfaqet pas 90 ditësh të betohet, atëherë qeveria duhet ta çlirojë nga detyra dhe të vendosë një kryebashkiak teknik derisa të realizohen zgjedhjet e reja, që do të shpallen nga Presidenti. U kërkova avokatëve të mi të shqyrtojnë çështjen dhe nuk e di rezultatin. Por më duket se ky rast është i veçantë, nuk ka precedent. Kështu, instikti im më thotë, reagimi im psikologjik më thotë se ndoshta duhet të presim gjyqin. Kështu, mund të mos bëjmë zgjedhje të reja derisa të gjykohet fajtor ose i pafajshëm."

Ai thotë se derisa të vendosë gjykata ekziston mundësia që të mos veprohet.

“Por ky nuk është një qëndrim juridik, është pikërisht çfarë mendoj se duhet bërë nga momenti që nuk kemi precedentë. Po, mendoj se mund të bëjmë njërën ose tjetrën, bazuar në raportin e zyrës ligjore, besoj se kemi mundësinë të mos veprojmë derisa të vendosë gjykata. Në këtë rast u japim të gjithëve shansin të shqyrtojnë çështjen deri në fund. Nëse kjo nuk është e mundur nga ana ligjore, do të duhet ta lirojmë nga detyra.”/ CNA





Lajmet e fundit nga