E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Gazetari grek përmend 3 arsye pse çështja "Beleri" kërcënon emrin e Shqipërisë në BE/ Përgjigjja e Ramës

27 Gusht 2023, 10:57, Aktualitet CNA

Gazetari grek përmend 3 arsye pse çështja "Beleri"

Gjatë një interviste që kryeministri Edi Rama ka dhënë për ‘Kathemerini’ gazetari ka renditur tri arsye se pse sipas burimeve të tij në Athinë trajtimi i çështjes së Belerit nga institucionet shqiptare kërcënon emrin e Shqipërisë në BE.

Rama nuk e pranoi një gjë të tillë dhe u shpreh se ai (Rama), por dhe qeveria nuk mund të ndërhyjnë në veprimet që ndërmarrin hallka të ndryshme të sistemit të drejtësisë.

Më poshtë gjeni pjesën nga intervista:

Gazetari: Problemet me gjykatat vazhdojnë të jenë të pranishme. Sipas burimeve të mia në Athinë trajtimi i çështjes së Belerit nga institucionet shqiptare kërcënon emrin e Shqipërisë në BE për tri arsye: E para, ne e dimë që Beleri nuk u arrestua në skenën e krimit të dyshuar. E dyta, atij i është mohuar leja e posaçme për të bërë betimin. E treta ai mbahet ende në burg edhe pse nuk mund të përsërisë krimin e dyshuar. Për këtë arsye Athina thotë se kemi një arrestim të gabuar, burgim të gabuar dhe mohim i të drejtave të njeriut. Ja pse Athina ka marrë këtë qëndrim lidhur me çështjen.

“E kuptoj, e kuptoj, por nuk bie dakord. Nuk bie dakord me asnjë prej këtyre. Së pari, nuk jam dakord që një vend i huaj, një qeveri e huaj të bëjë komente të thella rreth veprimeve të sistemit të drejtësisë së një vendi tjetër, edhe duke qenë vende mjaft mike. Sipas meje, kjo nuk është europiane! Si fillim, duhet të bazohemi në atë që ne dimë, sepse nuk dimë gjithçka. Do marrim vesh çdo gjë kur prokuroria e posaçme të paraqesë provat e plota në gjykatë dhe ende nuk kemi shkuar aty. Por, mbështetur në atë që dimë, ai u kap në flagrancë, pra u kap në veprim e sipër të blerjes së votave, sigurisht me rrjetin e tij të blerjes së votës. Së dyti, leja – sepse këtu është përqendruar vëmendja tani – e drejta për të marrë leje për të bërë betimin. Pikë së pari, në këtë pikë të dytë, askund në legjislacionin shqiptar nuk ekziston kompetenca e qeverisë ose e kryeministrit të nxjerrë leje për një të ndaluar në paraburgim - në paraburgim (e theksoj) - që të dalë nga burgu. Kjo nuk ekziston. Nga ana tjetër, ai, avokatët e tij apo kushdo qoftë duhej të kalonin përmes gjykatës për ta kërkuar këtë gjë, e cila më duhet t’ju rithem nuk ekziston në legjislacionin shqiptar. Nuk ka diçka të tillë që dikush të marrë leje për të bërë betimin, ndërkohë që është në paraburgim për një krim në flagrancë dhe gjykata e ka refuzuar tashmë. Së treti, ju thatë se arsyeja e tretë, nëse nuk e kam gabim, ishte burgosja e një kryetari të zgjedhur bashkie, kështu?, tha Rama./ CNA