web counter
LEXO PA REKLAMA!

SHKARKO APP

App Store
Google Play

E fundit!

x

Përshtatën lokalin për përdorim kokaine e lojëra fati/ 2 persona në kërkim nga policia 

27 Gusht 2023, 12:21, Aktualitet CNA

Përshtatën lokalin për përdorim kokaine e lojëra fati/

Dy persona janë shpallur në kërkim, pasi akuzohen se kanë përshtatur lokalin në pronësi të tyre, për organizim të lojërave të ndryshme të fatit dhe për përdorim të kokainës.

Gjithashtu është proceduar penalisht një 43-vjeçar me inicialet I. B., banues në Malësi të Madhe që u kap në ambientet e këtij lokali.

Në kuadër të këtij operacioni “Slot Machine” u shpallën në kërkim shtetasit E. H., 34 vjeç dhe K. P., 19 vjeç, të dy banues në fshatin Pjetroshan, Malësi e Madhe.

Nga kontrollet, shërbimet e Policisë konstatuan se këta shtetas kishin përshtatur lokalin që kishin në bashkëpronësi, në Koplik, për organizim të lojërave të ndryshme të fatit dhe për përdorim të lëndës narkotike kokainë. Nga ky ambient, në cilësinë e provës materiale, u sekuestruan një tavolinë për lojën “Poker”, 6 makineta për lojëra fati, letra bixhozi, çipsa, një sasi lënde e dyshuar narkotike kokainë, një fishek armësh imituese dhe 1 celular.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./ CNA





Lajmet e fundit nga