web counter
LEXO PA REKLAMA!

SHKARKO APP

App Store
Google Play

E fundit!

x

Asgjësohen mbi 3500 bimë kanabis në Lezhë, Shkodër, Krujë e Tropojë

27 Gusht 2023, 12:44, Aktualitet CNA
Asgjësohen mbi 3500 bimë kanabis në Lezhë, Shkodër,
Bimë kanabis të gjetura nga policia

Policia e Shtetit gjatë 72 orëve të fundit ka asgjësuar nëpërmjet djegies 3543 bimë të tjera narkotike cannabis sativa në fshatra dhe në terrene malore të Lezhës, Shkodrës, Krujës dhe Tropojës.

Gjithashtu u ndalua një autor i dyshuar për disa raste kultivimi në Kurbin dhe procedohet penalisht për shpërdorim të detyrës, kryetari i një fshati në Kukës.

1000 punonjës policie dhe 25 dronë u angazhuan për finalizimin e kësaj faze të megaoperacionit “FOKUSI” ku bënë të mundur asgjësimin e bimëve narkotike përkatësisht:

1.       878 bimë u asgjësuan në territorin e bashkive Lezhë, Mirditë dhe Kurbin, si rezultat i fazës së 34-t të operacionit “Imazhi”.

2.       1932 bimë u asgjësuan në territorin e bashkive Shkodër dhe Vau i Dejës, si rezultat i fazës së 14 të operacionit “Alpe të pastra”.

3.       688 bimë u asgjësuan në malësinë e Krujës, si rezultat i fazës së 36 të operacionit “Territor i pastër”.

4.       45 bimë u asgjësuan në fshatin Breg Lumë, Tropojë, si rezultat i fazës së 8 të operacionit “Bjeshkët e Nemuna”. Kryetari i këtij fshati u procedua penalisht, për shpërdorim të detyrës.

Ndërkaq, Policia në qarqe, në drejtimin e prokurorive përkatëse, vijon hetimet me qëllim identifikimin dhe arrestimin e autorëve të kultivimit të këtyre bimëve narkotike.

Policia e Shtetit fton qytetarët që të bashkëpunojnë me Policinë, për përmbushjen e objektivit të megaoperacionit “FOKUSI”, si dhe për denoncimin e çdo paligjshmërie tjetër, me qëllim krijimin e një ambienti të sigurtë./ CNA





Lajmet e fundit nga