web counter
LEXO PA REKLAMA!

SHKARKO APP

App Store
Google Play

E fundit!

x

Shisnin drogë në lokal/ Arrestohen babë e bir, sekuestrohet 1 kg kanabis

25 Gusht 2023, 15:37, Aktualitet CNA
Shisnin drogë në lokal/ Arrestohen babë e bir, sekuestrohet 1 kg
Lënda narkotike kanabis e sekuestruar

Dy persona babë e bir kanë rënë në prangat e policisë pasi akuzohen se shisnin lëndë narkotike kanabis, në lokalin e tyre.

Të arrestuari janë 50-vjeçari me inicialet D. K., dhe 20-vjeçari me inicialet G. K., (babë e bir), banues në Kashar.

Kapja e tyre u bë falë operacionit policor të koduar "Kashari".   

Gjithashtu u shpall në kërkim shtetasi E. K., 28 vjeç, banues në Kashar si dhe nisi procedimi në gjendje të lirë për shtetasin D. V., 21 vjeç.

Në afërsi të liqenit të Kasharit, 21-vjeçarit, me inicialet D. V., gjatë kontrollit fizik, i kanë gjetur doza me lëndë të dyshuar narkotike kanabis.

Nga verifikimet e kryera ka rezultuar se shtetasi D. V. e kishte blerë lëndën narkotike te lokali i shtetasve D. K. dhe G. K.

Në vijim të veprimeve, gjatë kontrollit të lokalit të këtyre shtetasve, shërbimet e Policisë gjetën 1 kg lëndë të dyshuar narkotike kanabis, e cila u sekuestrua në cilësinë e provës materiale. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./ CNA





Lajmet e fundit nga