LEXO PA REKLAMA!

SHKARKO APP

Djegësi i Tiranës në 30 vite shkon 1 miliard euro/ Paratë, në llogaritë e Zotos dhe Mërtirit

25 Gusht 2023, 12:26, Aktualitet CNA

Djegësi i Tiranës në 30 vite shkon 1 miliard euro/ Paratë,

Ish-kryeministri Sali Berisha në konferencën e përjavshme me gazetarët ka hedhur akuza ndaj kryebashkiakut Erion Veliaj, duke thënë se është i implikuar në aferën e shekullit, atë të inceneratorëve.

Ish-kryeministri ka deklaruar se Erion Veliaj është personi që ka ndryshuar praktikën e trajtimit të mbetjeve dhe se është zotuar të paguajë rreth 90 milionë euro.

Duke ndryshuar praktikën e trajtimit të mbetjeve, Veliaj ka dyfishuar kostot për qytetarët e Tiranës, të cilët paguajnë 29 euro/ton për një incenerator që nuk ekziston.

Më tej Berisha nënvizon se paratë shkojnë ende në llogaritë e Klodian Zotos dhe Mirel Mërtirit.

Sipas ish-kryeministrit, Veliaj me firmën e tij është zotuar se do të kontrollojë çdo muaj punimet dhe nuk e ka bërë sepse paratë i ka futur në xhepat e tij.

"Gushti ishte muaji i krimit gjithashtu edhe për SKAP-in e partisë.
Çfarë bëri SKAP-i në gusht? Amnistitë e mëdha. Nxori kockat që t’i përtypin, që të bëjnë amnistinë.

A ka gjë më qesharake se sot kanë arrestuar në Morinë një person se po bënte kontrabandë, por të arrestosh këtë dhe të amnistosh Erion Veliajn, nuk ka pabarazi më të turpshme para ligjit.

Të sekuestrosh djegësin dhe të mos ndalosh pagesat, të mos arrestosh Erion Veliajn, i cili është personi që ka ndryshuar praktikën e trajtimit të mbetjeve, i cili falsifikon vendimin e Këshillit Bashkiak dhe të Këshillit të Qarkut?

A ka krim më të shëmtuar se të akuzosh Arben Ahmetajn, që e meriton plotësisht, i cili e ka kryer katër herë kërkesën e Erion Veliajt për leverdisshmërinë e djegësit të Tiranës, kurse këtë që ka bërë kërkesën, nuk e arreston, por e amniston.
A e dini se edhe sot, paratë derdhen në kontot e Zotos dhe Mërtirit?

A e dini ju se Erion Veliaj është zotuar me firmën e tij se do të kontrollojë çdo muaj punimet?
Gushti ishte revansh i krimit sepse Erion Veliaj është personi më i ekspozuar ndaj kësaj vepre që shkon në 1 miliard euro", tha Berisha./ CNA

Lajmet e fundit nga