web counter
LEXO PA REKLAMA!

SHKARKO APP

App Store
Google Play

E fundit!

x

“Sterilizimi”/ Rama: Përgjegjësia individuale, kush ka hyrë në gjynah me popullin do ta paguajë

25 Gusht 2023, 13:44, Aktualitet CNA

“Sterilizimi”/ Rama: Përgjegjësia individuale, kush ka

Kryeministri Edi Rama ka folur për kontratën e koncesionit të sterilizimit, të cilën e ka quajtur si një nga punët më të bukura që është bërë në Shëndetësi.

Në lidhje me shkeljet dhe korrupsionin që është bërë në procesin e sterilizimit, Rama tha se individët që kanë hyrë në gjynah me popullin dhe atdheun do të paguajnë.

Rama i mëshoi dhe njëherë faktit që përgjegjësia është individuale.

"Kur kam thënë që dua një drejtësi që të godasë majtas dhe djathtas, unë nuk kam bërë propagandë. Nuk kam ditur kujt do t'i ndodhë, por e kam ditur këtë që vjen.

Socialistët janë 1 milion. Njerëzit që janë të implikuar janë shumë më pak sesa socialistët dhe janë asgjë në raport me fuqinë e PS-së. E rëndësishme është që sterilizimi është një kontratë dhe nga punët më të bukura që është bërë. Për këtë pyesni mjekët në spitale. Për këtë kam marrë 'sms' pa fund nga profesorë, nga mjekë që ishin të shqetësuar se mos kontrata do të sekuestrohej, edhe pse me atë kontratë dhe atë transformim ne kemi shndërruar shëndetësinë shqiptare, me ndërhyrjet më delikate që janë në trupin e njerëzve.

Nëse në procesin e asaj kontrate individë të caktuar kanë hyrë në gjynah me popullin dhe atdheun, do të paguajnë. Kështu funksionon, do paguajnë.

Ka shumë që e mbajnë, ka disa që nuk e mbajnë, ka shumë, që u rezitojnë tundimeve, ka disa që nuk u rezitojnë tundimeve.

Nuk mund të parashikojmë kush i reziston dhe kush jo tundimit kur bëjmë zgjedhjet tona", tha Rama.





Lajmet e fundit nga