web counter
LEXO PA REKLAMA!

SHKARKO APP

App Store
Google Play

E fundit!

x

Deklarata “bombë”/ Bajrajt u liruan me ndihmën e prokurorit të qeverisë  

25 Gusht 2023, 12:51, Aktualitet CNA

Deklarata “bombë”/ Bajrajt u liruan me ndihmën e

Ish-kryeministri Sali Berisha ka bërë një deklaratë të fortë ku tregon se si prokurori i qeverisë, Edvin Kondili, dhe Nakuçi ndihmuan në lirimin e të fortëve të botës së krimit, Bajrajt.

Berisha tha se me vendosjen e Taluant Ballës në krye të Ministrisë së Brendshme, Behar Bajri dhe Denis Bajri u zhdukën.

Më tej ish-kryeministri ka folur për dosjen e tyre, duke thënë se Edvin Kondili dhe Nakuçi lanë duart dhe e dërguan dosjen për kompetencë prokurorit Xhevahir Lita, të cilin Berisha e ka quajtur ushtar të biznesmenit Pëllumb Gjoka, i arrestuar gjatë operacionit "Metamorfoza".

Berisha thotë se brenda disa muajsh, prokurori i nxori vrasësit nga burgu.

“Bajrët u liruan me ndihmën e Kondilit dhe Nakuçit. Krimi është në revansh për shkak të Ballës.

Krimi i organizuar në të gjitha rrafshet, ka njohur një revansh të paparë dhe mund të themi se gushti ishte muaji i krimit.

Gushti ishte muaji i krimit sepse si kurrë ndonjëherë në historinë e këtij vendi, në krye të Ministrisë së Rendit vendoset politikani me lidhje të certifikuara nga organet ligjzbatuese të Shqipërisë dhe ndërkombëtare më të fuqishme me bandat dhe ky është Taulant Balla.

Përveç denoncimeve ndaj tij në sallën e gjyqit si porositës vrasjesh, përveç regjistrimeve të tij me bandat, Taulant Balla është njeriu i dy telefonave.

Në parlament, jo një herë, por disa herë, ai është paraqitur me dy telefona, çka më ka detyruar mua, të denoncoj telefonat që i mbanin si vegla elektronike në duar.

Taulant Balla ka komunikime konkrete me eksponentë kryesorë të krimit ndërkombëtar.

Ishte një muaj revanshi për krimin sepse me vendosjen në krye të ministrisë së krimit, Behar Bajri dhe Denis Bajri u zhdukën- dy vrasësit e organizatës kriminale të Pëllumb Gjokës dhe Edi Ramës.

Mos harroni se ka një histori me këta: dosja e tyre vjen në Tiranë para dy vitesh. Në fakt ata i arreston një prokuror i guximshëm në Shkodër. Ai u përjashtua me shpejtësi nga prokuroria me veting. Dhe dy prokurorët që kanë kaluar vetingun, Kondili dhe Nakuçi, lanë duart me dosjen dhe ia çuan për kompetencë Xhevahirit, që ishte ushtar i Pëllumb Gjokës.

Kjo është e vërteta. Dhe natyrisht Xhevahiri i Shkodrës, brenda muajsh i nxori vrasësit nga burgu.

Operacioni 'Metamorfoza' dështoi sepse 60 për qind e personave nuk u arrestuan, sepse vrasësit nuk u arrestuan”, ka thënë Berisha./ CNA

 





Lajmet e fundit nga