web counter
LEXO PA REKLAMA!

SHKARKO APP

App Store
Google Play

Zbulohet arsyeja e pushimeve të Melonit në Shqipëri?/ Diskutimet për projektin e madh

25 Gusht 2023, 14:45, Aktualitet CNA

Zbulohet arsyeja e pushimeve të Melonit në Shqipëri?/ Diskutimet

Kryeministri Edi Rama, gjatë konferencës së sotme, ka folur për projektin e madh të ujësjellësit që do të çojë ujë nga Shqipëria në Puglia.

Duke zbuluar se kjo ka qenë një nga diskutimet gjatë vizitës së kryeministres Giorgia Meloni në Vlorë, Rama tha se e vetme Shqipëria nuk mund të bëjë një investim të tillë.

  “Varet nga vullneti i qeverisë italiane sepse është projekt i madh që Shqipëria nuk mund ta realizojë dot. Janë gjëra që janë diskutuar edhe në të shkuarën por kur flet me një kryeministër të ri të Italisë duhet t'i shtrosh sërish në tryezë. Me shumë gjasë do të ketë në Romë një takim të dytë të komitetit të investimeve  do të shikohet si do të shkojë”, tha Rama.

Nga ana tjetër zbuloi dhe një detaj rreth samitit të Berlinit që do të mbahet në muajin tetor në Tiranë.

“Në tetor kemi samitin e Berlinit ku Meloni do të jetë prezente. Do të ketë dhe dy-tri takime në nivel ministrash me të gjitha vendet që do të marrin pjesë në samit”, u shpreh Rama. / CNA





Lajmet e fundit nga