web counter
LEXO PA REKLAMA!

SHKARKO APP

App Store
Google Play

E fundit!

x

Rama u hedh hi syve shqiptarëve/ “Inceneratorët punojnë”

25 Gusht 2023, 14:05, Aktualitet CNA

Rama u hedh hi syve shqiptarëve/ “Inceneratorët

Kryeministri Edi Rama në një konferencë për mediat këtë herë nuk u është shmangur pyetjeve për aferën e shekullit, atë të inceneratorëve.

Rama u ka hedhur hi syve shqiptarëve duke thënë se inceneratorët punojnë, ku e vërteta është se ai i Tiranës nuk ekziston, ai i Fierit është jashtë funksionit dhe ai i Elbasanit është në remont dhe do një kosto prej 2 milionë eurosh për t'u mbajtur ndezur. 

"Impiantet ndërtohen me para dhe funksionojnë me para dhe ka dy rrugë për t’i bërë impiantet të funksionojnë. Njëra është të paguajnë qytetarët duke rritur taksat e tyre dhe tjetra që shteti të mbështesë qytetarët që ata të mos paguajnë atë që kushton.

Si i bëhet për ta shpjeguar këtë. Investimet janë bërë aty. Për ato gjëra që ja ndodhur ka pasur mangësi e nevoja. Impianti i Elbasanit është funksional që herë pas herë kërkon pjesën e përkujdesjes, është pronë e Bashkisë së Elbasanit.

Fieri ka nevojë për një pagesë të fundit sepse u ndërpre nga sekuestrimi do ta marrë bashkia e Fierit do të paguajë dhe atë pjesë të fundit dhe të futet në funksion. Siç është plani për t’u bërë.

Shqipëria ka qenë e mbytur nga plehrat. U vendos inceneratori i Tiranës në administrim nga shteti, si mendoni ju do të bëhet pa para ajo punë? I kemi thënë këto gjëra një mijë herë. Puna për të pastruar Shqipërinë do të vazhdojë dhe le të hidhen përpjetë të gjithë ata që nuk e kuptojnë.

Puna për të pastruar Shqipërinë kushton dhe kjo punë do të vazhdojë. Këto nisma kanë pasur rolin vendimtar që Tirana, Elbasani edhe Fieri janë sot ndryshe. Nuk duhet hedhur bebja bashkë me ujin e ndotur. Uji i ndotur hidhet dhe bebja vazhdon të rritet.”, ka thënë Rama./CNA





Lajmet e fundit nga