web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet punonjësi i policisë Sarandë / I gjenden 100 doza kanabis dhe një armë pa leje, prangoset edhe 1 tjetër

21 Gusht 2023, 09:04, Aktualitet CNA
Arrestohet punonjësi i policisë Sarandë / I gjenden 100 doza
Momenti i arrestimit

Një punonjës policie në Sarandë është vënë në pranga së bashku me një person tjetër.

Të arrestuarit janë polici me inicialet R.B., me detyrë Trupë Shërbimi në Komisariatin e Policisë Kufitare Sarandë, si dhe shtetasi me iniciale S.V., bashkëpunëtor i tij, të dyshuar për kryerjen e veprave penale “Prodhim dhe shitje e narkotikëve e kryer në bashkëpunim” dhe “Mbajtje, prodhim pa leje e armëve dhe municionit”.

Dy shtetasit e arrestuar në bashkëpunim me njëri-tjetrin, duke shfrytezuar një lokal 'Beach Bar' në qytetin e Sarandës për të kamufluar veprimtarinë antiligjore, shpërndanin lëndë narkotike të llojit kanabis sativa te shtetas të ndryshëm duke përfituar shuma të konsiderueshme monetare.

Gjithashtu në ambientet e lokalit u gjet edhe një armë zjarri, pa leje.

Në cilësinë e provave materiale u sekuestrua një sasi lënde narkotike rreth 100 doza, një armë zjarri e tipit TT pa leje, dy aparate celulare, një automjet dhe një shumë monetare prej 555 eurosh, 20 paund dhe 20.000 lekë.

Materialet procedurale i kaluan për ndjekje Prokurorisë pranë Gjykatës së Shkallës së Parë të Juridiksionit të Përgjithshëm Sarandë./ CNA

Arrestohet punonjësi i policisë Sarandë / I gjenden 100 doza





Lajmet e fundit nga