E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Koncesioni i sterilizimit”/ Ermal Mulosmani- Beqajt: Duhet të japësh llogari për përzgjedhjen

20 Gusht 2023, 16:19, Aktualitet CNA

“Koncesioni i sterilizimit”/ Ermal Mulosmani- Beqajt: Duhet të

Gazetari Ermal Mulosmani ka reguar në lidhje me koncesionin e sterilizimit, për të cilin SPAK arrestoi 8 zyrtarë mes tyre ish-zëvendësministri i Shëndetësisë Klodian Rrjepaj dhe biznesmeni Ilir Rrapaj.

Mulosmani është ndalur te reagimi i sotëm i Ilir Beqajt, i cili ka qenë firmëtar i këtij koncesioni në cilësinë e ministrit të Shëndetësinë në atë kohë.

Përmes një shkrimi në rrjetet sociale gazetari shprehet se sqarimi i Beqajt tregon se nuk është koncesion, por partneritet publik-privat, duke nënkuptuar se koncesioni është një e drejtë për të "rrjepur" qytetarët, ndërsa partneriteti shtet-privat është "e drejtë" për të "rrjepur" shtetin, pra qëllimi ngelet i njëjtë, thithja e parave të qytetarëve.

Ndër të tjera, Mulosmani shkruan se ish-ministri Beqaj “duhet të japë llogari pse e paguan aq sa e paguan shteti setin e ri kirurgjikal dhe pse u përzgjodh ai që u përzgjodh në vend të një tjetri.”

“Ilir Beqaj paska bërë një sqarim për koncesionin e sterilizimit. Sipas atij sqarimi, Beqaj pretendon se ky nuk është konçesion por partneritet publik-privat.

Duke bërë dallimin mes tyre, ish Ministri thotë që konçesioni është një e drejtë për "të rrjepur" qytetarët. Ndërsa partneriteti shtet privat është "e drejtë" për "të rrjepur" shtetin.

Dakort zoti Ministër. Po ku i merr paratë shteti? A nuk është e njëjta gjë si tia marrë xhepave të qytetarëve drejtpërdrejt si tia marrë pasi ky tia ketë dhënë shtetit?

Kryefjalë është rrjepja e parave të publikut nga privati.

Por nuk është ky thelbi i konfliktit që ka akuza me të akuzuarit. Problemi është menaxhimi i këtyre fondeve, prokurimi i tyre, përzgjedhja e fituesit të parakontraktuar dhe shpërdorimi i jashtëzakonshëm. Problem është jo pse paguan shteti setin e ri kirurgjikal por pse e paguan aq sa e paguan dhe pse u përzgjodh ai që u përzgjodh në vend të një tjetri. Ja për këtë duhet të japë llogari Beqaj.”-shkruan Mulosmani./CNA